३ यूहन्‍ना 1:12 - जिरेल

¹² डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।

३ यूहन्‍ना 1:12 ပူးပေါင်းရင်းမြစ်များ

यूहन्‍ना 19:35

ख्‍योकोनगी दि बात पक्‍काराङ ईन्‍दाते दुका सिन पत्ते खित्‍स्‍यीत सिन थे खोरोङ मिगीराङ दोक दोक ओङाते थोङकान्‍ते मिकी दि बाततेबा साबाते ईन। थेकी मेन्‍दाते सिराते बातज्‍यीगोङ मिक्‍किता खाईन जस्‍तो जस्‍तो थोङा ओतान उस्‍तो उस्‍तोराङ साबा ओत।

यूहन्‍ना 21:24

थे खोरोङ मिगीराङ थोङाते होदि गाङे बात होथे चेलेकीराङ टिबाते ईन। थेकी थोङगीन टिबाते दि बात गाङे साँचोते ईन सिन ङुरूङगी छ्या स्‍येक्‍यो।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 22:12

थेजीन दमस्‍कसदु परमेश्‍वर नियम गाङे लेमु खाला ङेन्‍कान्‍ते हननिया सिराज्‍यीक मि ओतान। थे सारदु ओताते यहूदी गाङेकी थेला आउदी मान खिन ओतान। थेकी ङा ओत्‍सादु वाकीन

शक्ति काम 6:3

थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

१ थिस्‍सलोनिकी 4:12

दोक खासीन सुङगीङ ख्‍योकोनला थाराङ स्‍वा माफाबो, येशू ख्रीष्‍ट मि मेन्‍दाते मिओनगीङ ख्‍योकोनला लेमु मि ईन सिओ।

१ तिमोथी 3:7

दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।