३ यूहन्‍ना 1:10 - जिरेल

¹⁰ थोगी था ङा थेपा वासीन थेकी च्‍यि च्‍यि खासुङा सिन गाङे सिओ। थेकी मेन्‍दा मेन्‍दे बात खिन ङ्योकोनला मोत्‍कीन ख्‍याम्‍गीन दुक। दोस्‍यिककामा मेन, थेकीनी ठाउँ ठाउँला युगीन येशू ख्रीष्‍ट बात लोप्‍कीन ख्‍याम्‍कान्‍ते आज्‍यो न्‍वाला मिक कार्बोकीङ ग्‍युरला मातादुक। थेमे थोक्‍ते मिला लेमु खिता छोल्‍कानलाङ येशू ख्रीष्‍ट मिओन जम्‍मा ओङसादु ओङा मेङेत्‍च्‍या खाला तेन्‍ला तोङगीदुक।

३ यूहन्‍ना 1:10 ပူးပေါင်းရင်းမြစ်များ

लूका 6:22

थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

यूहन्‍ना 9:22

जो जसकी येशूला परमेश्‍वरगी तोङगो साबाते ख्रीष्‍ट ईन खिदुक, थेबा सुङलाङ मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगो सिन यहूदीओनते छ्ये छ्ये मिकी गोमाका साबा ओतेकी थेबाला ज्‍यीबा लाबा ओतान।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

२ कोरिन्‍थी 13:2

ईन्‍दानी पालो ङिकी बाजिला थेपा गाला ओत्‍जीनोङ ङे पाप खाबा ओत्‍कानलाङ ज्‍येनलाङ गाङेला च्‍यि च्‍यि खिसे, चुक खिता मेङते सिन सम्‍झे खाईन बिन्‍दा ओतान। था दि पालोला ङा थेपा ओङजीनोङ सुइँदा ङे बात माङेन्‍गीन गोमा च्‍योकराङ खिन ओता थेप्‍सुङ सासीन थोक्‍तेलाचेन ङा लेमु मिक्‍किओ सिन थाल्‍ला ङाराङ थारीला ओते बेलालाराङ सिओ।

गलाती 6:10

बात दोक ईन्‍देकी ज्‍येनला लेमु खित्‍च्‍येते मौका ओत्‍केलाराङ ङुरूङगी मि गाङेला लेमु खिता फाप्‍क्‍यो। थोरूम काल्‍बा च्‍योक्‍तेचेन ङुरूङगी येशू ख्रीष्‍टला विश्‍वास खाईन खाम्‍बाज्‍यीक मि च्‍योकराङ ओङा ओताते मिओन नाङ दोक खिता फाप्‍क्‍यो।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

२ यूहन्‍ना 1:10

सुइँदेकी वाला ख्रीष्‍टकी लापाते भन्‍दा खइँदा ल्‍हाक्‍पा बात लोपा छोल्‍गीदुक सासीन थोक्‍ते मि जो ईन्‍सीनोङ थेला स्‍यासा मातेर, थेत्ताङ बातज्‍यीगोङ माकेत।

२ यूहन्‍ना 1:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ ङा थे बाततेबा चिट्ठीला मिटिगो। बरू ख्‍योकोनताङ ठेत्‍ला ङ्योम्‍बुराङ देत्‍ला बात खिताप सिन ख्‍योकोनला होत्ता ठेत्‍च्‍ये आश खाबा ओत। दोक खाईन ठेता थुप्‍सीन ङुरूङ छ्याःङ पीर मिक्‍किता खाला गा खिन देता थुप्‍क्‍यो।

३ यूहन्‍ना 1:3

कोई कोई आज्‍यो न्‍वाकी थेपेकी वाकीन खो आउदी खाला सत्‍यते बात ङेन्‍च्‍याक्‍वा थेमे थे बातला खि साबा च्‍योकराङ खिन देत्‍च्‍याक्‍वा सिन ङाला लाःप्‍सुङ। दि बात थोनामेई ङाला आउदी गा लासुङ।

३ यूहन्‍ना 1:5

ङिङज्‍येते र्‍वा खुई खोरोङगी गोमा नोमुङ माठेताते थेमे ङो मास्‍येबाते मि ईन्‍सीनोङ दाक्‍पोन आज्‍यो न्‍वाला आउदी लेमु खादुक। दोक्‍ते काम खुई खिता फापा च्‍योकराङ लेमु खाला खिदुक।