२ थिस्‍सलोनिकी 2:12 - जिरेल

¹² थोक खाला सत्‍यते बात माङेन्‍ला खालि परमेश्‍वरगी माकेत साबाते कामकामा खिता सेम खाला थोकराङ खित्‍कान गाङेला परमेश्‍वरगी थेबेकी ङेता फाप्‍च्‍येते सजाय तेरग्‍यो।

२ थिस्‍सलोनिकी 2:12 ပူးပေါင်းရင်းမြစ်များ

मर्कूस 14:11

थे बात थोकीन थेबाला आउदी गा लासुङ। थोक खासीन थेला थेबेकी पैसा तेरग्‍यो सिन सासुङ। थेबाताङ ठो खाईन गाल्‍नामेई थेकी था च्‍यि छोमु येशूला जिन ज्‍युता थुप्‍कीका सिन मौका तेइनराङ देत्‍सुङ।

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 12:9

थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

रोमी 2:8

परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

१ कोरिन्‍थी 13:6

थोक्‍ते मिलाचेन सुइँदेकी मेलेबा काम खाबाते गा मालाङो बरू खइँदा लेमु काम खाबा थोङसीन आउदी खाला गा खिओ।

१ थिस्‍सलोनिकी 5:9

परमेश्‍वरगी ङुरूङला छाने खाबाते स्‍येदाङगी चूर गाल्‍ला सजाय तेराला मेन, ङुरूङ प्रभु येशू ख्रीष्‍टकी खाबाते कामगी खित्‍सादु पूरो खाला पापदुकी टाल्‍ला स्‍वर्गने देत ज्‍युताप सिन ईन।

२ थिस्‍सलोनिकी 2:10

दोस्‍यिककामा मेन, दोक्‍ते ज्‍येनोङ मेलेबा मेलेबा काम खाला थेकी नरककुण्‍डमा स्‍यूक्‍कान्‍ते मिओनला मिकला छारो ग्‍याप्‍ला थे खोरोङ छ्य्‌वापा लै खित ज्‍युत्‍क्‍यो। थे मिओनगी सत्‍यते बात ङेन्‍दा सेम माक्‍याबेकीराङ थेबा नरककुण्‍डमा स्‍यूक्‍च्‍येते ईन। सत्‍यते बात ङेन्‍दा सेम खाबा ईन्‍सीनचेन परमेश्‍वरगी थेबाला पापदुकी डेल्‍च्‍या ओतान।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।