दिबाकामा मेन्देकी थेरू थोक ओङा थोङजीन जब्दी फुज्युङ याकूबताङ यूहन्नाङ छक्क परे खाबा ओतान। दिबाङ शिमोनताङ र्वा खाला ङ्या सेत्कान्ते मि ओतान। शिमोनगी थे खोरोङ पापी ईन सिन थोक सिरजीन येशूकी थेला “खो ज्यीबा माकेत। थानामेई ङा खोल्ला ज्येनला परमेश्वर छ्य्वापा लै खित ज्युत्कान्ते मि जोइओ,” सिन सिदुक।
२ कोरिन्थी 8:23 - जिरेल23 तीतसचेन ङात्ताङ ङ्योम्बुराङ डिक्ला ख्योकोन नाङ काम खित्कान्ते मि ईन सिन ख्योकोनला छ्याराङ ओत। दि ज्येनते न्वा ङिबोलाचेन देङपा ठाउँ ठाउँला जम्मा ओङकान्ते येशू ख्रीष्ट मिओनगी खोपरोङ नाङदुई छाने खाईन ताङाते ईन। दिबा ख्रीष्टला मान खिताला काम खित्कान्ते मि ईन। အခန်းကိုကြည့်ပါ။ |
२ कोरिन्थी 8:23
20 ပူးပေါင်းရင်းမြစ်များ
दोस्यिककामा मेन, ज्येनला मद्धत तेराला सिन जम्मा खाबाते पैसा केलाला ङ्योकोनताङ ङ्योम्बु ड्वाप्ला सिन दिलानी देङपा ठाउँ ठाउँला जम्मा ओङकान्ते येशू ख्रीष्ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्पा ङेतातेबाला मद्धत तेरच्येते ङ्योकोनते आउदी सेम ओताक्वा सिन ज्येनगी छ्या स्येक्यो। दि कामगी खित्सादु मिओनगी प्रभु येशू ख्रीष्टला छ्ये जोइओ।
तीतसबाताङराङ ज्येनज्यीक न्वालाङ ङ्योकोन थेपा तोङगीन ओत। दिचेन ज्येनला चुक खाला लेमु खिता थुबोङा सिन आउदी सेम खित्कान्ते मि ईन। दिकी पालोताङ पालो खाबाते काम ताकीन दि थोक्ते मि दुका सिन ङ्योकोनगी छ्या स्येसुङ। ङ्योकोनगी ख्योकोन लेमु मि ईन सिन लाःप्नामेकीनी दि झन गा खिन ख्योकोनला थे काम खाला सिन्दा खित ज्युताला थेपा ओङगीन ओत।
थेमे ङाला ङाराङ न्वा इपाफ्रोडिटसला ख्योकोन ओत्सापा ग्युरला तोङा लेमु ईन सिराच्योक लाबेकी ङे दिला थेपा ताङा ओत। दि ङात्ताङ डिक्ला गा लाङच्येते बात लोप्कान्ते थेमे ङाराङ च्योकराङ दुक्पा खाला ज्येनला दि बात लोप्च्येते काम खित्कान्ते मि ईन। ङाला मद्धत खित्स्यीत सिन ख्योकोनगी दिला ङा ओत्सापा ताङा ओतान।
ङात्ताङ डिक्ला ङे च्योकराङ खाला काम खित्कान्ते ङे र्वा खुई थे फेम्मे मि ङिबोला डिक्पा खाला बिन। गा लाङच्येते बात फैले खिताला ङात्ताङ थोङला दुक्पा खाला खाला काम खित्कान्ते मि नाङ क्लेमेण्टताङ ज्येनतेबाकामा मेन, होथे फेम्मे मि ङिबोङ ईन। थेबा गाङे मिन नोमुङ मिसिन्च्येते जुनी ङेत्कान्ते मिओन मिन टिबाते किताबला टिबा ओत।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
ကြော်ငြာတွေ