२ कोरिन्‍थी 6:17 - जिरेल

¹⁷ लोक्‍ला प्रभु परमेश्‍वरगी “थोगी ङाला माने मिक्‍किकान्‍ते मिओनताङ ख्‍योकोन ङ्योम्‍बुराङ रूला मादेत। थेबाताङ ठाल्‍ला थारीला देत। ङाला मन परे मिक्‍किच्‍येते काम छ्याःङ माकेत। दोक खाईन ङे साबा च्‍योकराङ खासीन ङा ख्‍योकोनला ङाराङ दोन्‍दु स्‍योक साला लेमु खिओ।

२ कोरिन्‍थी 6:17 ပူးပေါင်းရင်းမြစ်များ

शक्ति काम 2:40

बात खिन खिन पत्रुसकी थेबाला लोईन “पाप खाबेकी खित्‍सादु दि लुङबे मिओन गोःनामा परमेश्‍वर सजाय फाप्‍कीन सिन्‍दा ओत। थे सजायला माफाप्‍स्‍यीत सिन ओर्च्‍ये ङे बात ङेन्‍ला था ख्‍योकोनगीचेन ज्‍येन च्‍योकराङ खिन मादेत, पाप खिता थोङ,” सिन सासुङ।

रोमी 15:7

थोगी था ङा ख्‍योकोन गाङेला च्‍यि सिते सासीन ख्रीष्‍टकी खेराङला लेमु खाबा च्‍योकराङ ख्‍योकोनगीङ खेराङ नाङ ङा दोक्‍तेताङ खो थोक्‍ते सिन मिसिरा खाला दोक्‍पोईकी ज्‍येनज्‍यीकला लेमु खि। दोक खित्‍च्‍येतेचेन परमेश्‍वरला मान खाबाते ईन।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

छ्या स्‍ये च्‍युताते बात 18:4

दि तिरी ङे याङराङ स्‍वर्गनेकी “ङे मिवे, ख्‍योकोन गाङेराङ बेबिलोनदुकी थेन्‍ला स्‍योक। थेरू देत्‍ला मेलेबा काम माकेत। था थेरू ज्‍यीबा लाङच्‍या मेलेबा ओङे बेलाला ख्‍योकोन थेरू देता माफाप्‍स्‍यीत।