२ कोरिन्‍थी 6:11 - जिरेल

¹¹ कोरिन्‍थदु ओताते ख्‍योकोन गाङेला ङ्योकोनगी ङेराङ बात दोक्‍पोईओङ मोबोङा खाईन गाङे लाप्‍कीन बिन्‍दा ओत। ङ्योकोनगी ख्‍योकोनला खितासम्‍म ङिङज्‍ये खाबा ओत।

२ कोरिन्‍थी 6:11 ပူးပေါင်းရင်းမြစ်များ

शक्ति काम 18:1

दि तिरी पावल एथेन्‍सदुकी कोरिन्‍थ सारनापा गाल्‍सुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

२ कोरिन्‍थी 12:15

थोक ईन्‍देकी ख्‍योकोनला लेमु ओङस्‍यीत सिन ङाङ स्‍याप स्‍याप खाला दुक्‍पा खाला खाला काम खिओ। ङानी ख्‍योकोन लाईदु ङाराङ ज्‍यानराङ तेरा फाप्‍सीनोङ नाइँ मिसिरो। ङे ख्‍योकोनला दोक आउदी ङिङज्‍ये खानामेई च्‍यि ख्‍योकोनगी ङालाङ थोजोराङ ङिङज्‍ये खिता माफाबो?

२ कोरिन्‍थी 2:4

ख्‍योकोन पीरताङ तापकी खित्‍सादु ङाला सेमला आउदी दुक्‍पा लाबा ओतान। ङे ङुइनकामा थे चिट्ठी टिबाते ईन। ङाला चुक दुक्‍पा ओताने सिन ख्‍योकोन सेमला दुक्‍पा लोङाप सिन ङे थे चिट्ठी टिबाते मेन, बरू ङे ख्‍योकोनला थोई ङिङज्‍ये खित्‍च्‍या ईन्‍दाका सिन छ्या स्‍येस्‍यीत सिनराङ थोक खाबाते ईन।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?

गलाती 4:12

ओर्च्‍ये आज्‍यो न्‍वावे, ख्‍योकोनगीङ ङे च्‍योकराङ खि। ख्‍योकोनताङ ङ्योम्‍बु देत्‍जीन यहूदी ईन्‍गीनोङ ङे चुक खाबा ओताने सिन ठेम्‍बा खि। थातासाक ख्‍योकोनगी ङे सेमला फोक्‍च्‍येते काम छ्याःङ खाबा मेत।

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

एफिसी 6:8

योक्‍पो योङमु ईन्‍स्‍यीत, मालिक ईन्‍स्‍यीत जोराङ ईन्‍सीनोङ लेमु काम खित्‍कानलाचेन तिरी प्रभु ख्रीष्‍टकी इनाम तेरग्‍यो सिन ख्‍योकोनला छ्याराङ ओत।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

फिलिप्‍पी 4:15

गोमा म्‍यासिडोनिये लुङबादु गा लाङच्‍येते बात लाप्‍ला थेरूई डोजीन ख्‍योकोन फिलिप्‍पीदु जम्‍मा ओङकान्‍ते येशू ख्रीष्‍ट मिओन लाःकनापेकीकामा ङे पैसा लाबा ओतान। ज्‍येन ज्‍येन ठाउँकी येशू ख्रीष्‍ट मिओन लाःकनापेईचेन ङे पैसाज्‍यीगोङ लाबा मेतान। गा लाङच्‍येते बात लाप्‍कीन बिन्‍नामेई ख्‍योकोनगी ङे कामगी लाईदु सिन दुकीन बिन्‍दाते पैसाचेन ङे लाबा ओतान। दि बात ख्‍योकोनगी पक्‍काराङ टोक ज्‍येता मेतासीन।

छ्या स्‍ये च्‍युताते बात 22:12

थेमे याङराङ प्रभु येशूकी “था ङा होत्ताराङ ओङगीन ओत। थेबेकी खाबाते लेमु मेलेबा कामताङ बात ताला मि गाङेला सु सुला च्‍यि तेरा फाप्‍कीका थे थेराङ ङा तेरग्‍यो।