२ कोरिन्थी 6:10 - जिरेल10 दोक दोक ओङला पीरताङ तापकी नाङ देता फाप्सीनोङ ङ्योकोन सधैँ छ्याःङ पीर मेताते मि च्योक खाला गा खिन देत्क्यो। थेमे ङेराङ लाला साकान्ते च्योक्तेन्दे ओत्सीनोङ ङ्योकोनगी खाबाते कामगी खित्सादु मिओनगी परमेश्वरगी तेरच्येते जति गाङे ङेत्क्यो। लोक्ला ङ्योकोन ङेराङते सिराते छ्याःङ मेताते कङ्गाली च्योकराङ ईन्सीनोङ परमेश्वरगी खित्सादु ङेत्ताङ जेसुकै ओत। အခန်းကိုကြည့်ပါ။ |
२ कोरिन्थी 6:10
43 ပူးပေါင်းရင်းမြစ်များ
थोक खाईन थेबेकी परमेश्वरगी साबाते माङेन्देकी खित्सादु सा लुङबा खाङगी मि गाङेला परमेश्वरगी आउदी लेमु खाबाते ईन। थेमे परमेश्वरगी खोपरोङला तेरग्यो साबाते आशी मोगोओ साबाच्योक खाबेकी ज्येन ज्येन जातकी मिलाका परमेश्वरगी आशी बिन्दाते ईन। इस्राएलीओनगी थोक खाबेकी खित्सादु परमेश्वरगी ज्येन ज्येन जातकी मिला दोक लेमु खासुङ सासीन थेबा गाङेकी परमेश्वरगी साबाते ङेन्सुङ सासीन परमेश्वरगी दि सा लुङबे मि गाङेला आशी बिन्ला झन थोई लेमु खाओङा।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
दि बात च्यि ईन्दे सासीन ङेराङ जातकी आज्यो न्वाओन लाईदु पीर खिताई खिताई थानी ङेते सेमोङ छोकीन सिन्सुङ। ङा थेबे लाईदु आउदी खाला पीर खिनराङ देत्क्यो। थेबे साटोला थेबा च्योक खाईन ङा ङाराङ ख्रीष्टकी छ्य्वापेई ठाल्गीन देता थुप्सीन थेमे परमेश्वरगी थेबाला तेरच्येते सजाय ङाराङगी भोगे खिता फाप्सीन थोगोङ खित्च्या ओतान।
परमेश्वरताङ चुक छ्येज्यीक शक्ति ओते सिन छ्या स्येच्येते दि गा लाङच्येते बात लोपाला ङ्योकोनताङ छ्याःङ शक्ति मेत। ङ्योकोननी छ्याक्ला फराक फुरूक डोच्येते सबी नोत च्योककामा ईन। थोगी ङ्योकोनगी खित्च्येते काम ङेराङ शक्तिकी मेन, परमेश्वरगी शक्ति बिन्देकी खिता थुप्च्येते दुका सिन मिओनगी छ्या स्येक्यो।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
च्यि सासीन ख्योकोनला ज्येनगी दुक्पा बिन्दाते बात ङाला छ्या ओत। थेमे ख्योकोनला दाङच्या ख्योप्च्या मेत सिनोङ ङाला छ्या ओत। ईन्सीनोङ ख्योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्किकान्ते मिओनगी ईन्दा मेन्दे दोष लै खाईन ख्योकोन विरोध खाबाते बात ङाला छ्या ओत। थेबाचेन शैतानताङ डिक्कान्ते मि ईन।
ကြော်ငြာတွေ