२ कोरिन्थी 5:15 - जिरेल15 मि गाङे लाईदु थे स्याप्ते ईन्देकी नोमुङ मिसिन्च्येते जुनी ङेताते मिओनगी था दाक्पोन खुशी खिता मेङगो। बरू थे थोक खाईन खोपरोङ लाईदु स्या ओतान थेमे परमेश्वरगी थेला सोम्बो लोक्पा ओतान सिन टोक मेज्येता खाला थेला मन परे खित्च्येते काम खिता फाप्क्यो। အခန်းကိုကြည့်ပါ။ |
२ कोरिन्थी 5:15
41 ပူးပေါင်းရင်းမြစ်များ
थेमे था आज्यो न्वावे, परमेश्वरगी ङुरूङला थोक आउदी खाईन ङिङज्ये खाबा ओतेकी ङा ख्योकोनला दोक खि सिन सिओ। ओर्च्ये ख्योकोनगी खेराङ जीउ परमेश्वरतेराङ ईन सिन साला थेकी साबा साबा च्योकराङ खिओ सिन थेलाराङ सोम्पे खि। थेला मन परे खित्च्येते भोग बिन्दाच्योक ओङस्यीत सिन ख्योकोनगी होदोक खाला खेराङ जीउ थेला सोम्पे खि। थे खोरोङगी साबाच्योक खाला थेला माने खित्च्येतेङ होदोकराङ खाला ईन।
लोक्ला दि बादोङ ङुरूङला छ्या ओत। च्यि सासीन ख्रीष्टला स्यिङगी थामला टाँए खाला सेत्जीन ङुरूङते मेलेबा कामताङ बात खित्च्येते बानी खुदुक गाल्ला पाप खिता तोङस्यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्योक खाला पाप खिन देताराङ माफाबो।
थोगी ङाराङगी छ्याःङ खिता मुथुप्जीन ईन्स्यीत, ज्येनगी ङाराङला इज्जत बेइज्जत खित्जीन ईन्स्यीत, दुक्पा ङेत्जीन ईन्स्यीत, मिओनगी ङाराङला खेदापानी खित्जीन ईन्स्यीत थेमे आपत् विपत्ला फाप्जीन ईन्स्यीत ख्रीष्टकी मि ईन्देकी ङानी सधैँ गा खिन देता थुप्क्यो। दोक खाला ङाराङगी छ्याःङ खिता मुथुपे बेलालाराङ ख्रीष्टकी शक्ति ङेता ओतेकी ङे जेङ खिता थुप्कीदुक।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
ကြော်ငြာတွေ