२ कोरिन्थी 5:14 - जिरेल14 ङ्योकोनगी थरिङोला जे खिदुक थे खालि ख्रीष्टकी ङेराङला ङिङज्ये खाबेकी खित्सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्ट स्याप्ते ईन्देकी मि गाङे थेत्ताङराङ स्याप्ते च्योक ओङा ओत सिन ङ्योकोनगी लेमु खाईन छ्या स्येबा ओत। အခန်းကိုကြည့်ပါ။ |
२ कोरिन्थी 5:14
43 ပူးပေါင်းရင်းမြစ်များ
चुक खाला सासीन आदम दोक्पोईकी परमेश्वरगी माकेत साबाते काम खाईन पाप खाबेकी खित्सादु मि काल्बेईला चुक मेलेबा ओङसुङा सिरच्येते बातताङ येशू ख्रीष्टकी खाबाते कामगी खित्सादु परमेश्वरगी मि काल्बेईला दया खित्च्येते बातचेन खापान खापान खुदुक ईन। आदमगी खित्सादु मिओन स्या फाप्कीन ओतान सासीन येशू ख्रीष्टकी खित्सादुचेन परमेश्वरगी थे खोरोङ दयेकी मिओनला पापकी सजाय मेतेरच्या ओङसुङ।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
लोक्ला दि बादोङ ङुरूङला छ्या ओत। च्यि सासीन ख्रीष्टला स्यिङगी थामला टाँए खाला सेत्जीन ङुरूङते मेलेबा कामताङ बात खित्च्येते बानी खुदुक गाल्ला पाप खिता तोङस्यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्योक खाला पाप खिन देताराङ माफाबो।
परमेश्वर आत्मा ङेता मेताते मिओनगीनी परमेश्वर आत्मेकी लापाते बातओन ङेनराङ मेङेनो। दोक्ते बातनी थेबे लाईदु कामराङ लै मिक्किच्या लेम्बे बात च्योकका ओङगो। परमेश्वर आत्मे छ्य्वापेईकामा थे बात चुक्ते ईन्दे सिन छ्या स्येबा थुप्च्येते ईन्देकी परमेश्वर आत्मा ङेता मेताते मिओनगी दोक्ते बात छ्याःङ खोबाराङ मुथुबो।
दोई पाटीला खोपे खाईन टिबाते होथे नियम पाटीओन परमेश्वरगी थे खोरोङला तेरजीन थेत्ताङ बात खाबेकी परमेश्वर झिलिमिली नाम्दाककी खित्सादु मोशे छ्येत आउदी खाला टल्के खित्च्या गाला ओतान। थेते थोक खाला टल्के खित्च्येते छ्येतकी टाक घटे खाला डुइन ओत्सीनोङ ज्यीबेकी इस्राएलीओनगी मोशे छ्येत ता थुप्कीन मेतान। थेरू साबा च्योकराङ माक्यासीन पापकी सजाय ङेत्ला स्यिइओ सिन टिबा ओताते थे नियम तेरजीननी परमेश्वरते थोक आउदी झिलिमिली मिओनगी थोङा थुपा ओतान सासीन
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
खेराङ सेम मेलेबा ओत्कीन गोमाबा ख्योकोन खेराङला चुक खिता सेम लाङगीका थोकराङ खिन पाप खिन देतेकी परमेश्वर लाईदु स्याप छेतराङ गाला ओतान। ख्योकोन थोक्ते मि ओता ईन्सीनोङ परमेश्वरगी ख्योकोनला ख्रीष्टताङराङ सोम्बो लोगीन थेला बिन्दा च्योक्ते साम्बाते जुनी बिन्सुङ। थेकी ङुरूङगी खाबाते पाप गाङे माफ बिन्दा ओत।
च्यिला सासीन खेराङ ख्रीष्टताङ स्यिइन सिन्दाते मि ईन्देकी ख्योकोन गोमाबा खाबाच्योक खित्च्ये छ्य्वापेई ठाल्गीन सिन्दा ओत। ख्योकोनगी ख्रीष्टताङ ङेताते साम्बाते जुनी चुक्ते ईन्दे सिन परमेश्वरगी थरिङोला ज्येनला छ्या स्ये च्युता मेत। ख्रीष्ट परमेश्वरताङ स्वर्गने ङ्योम्बु ओतेकी मिओनगी मोथोङो।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
ကြော်ငြာတွေ