२ कोरिन्‍थी 3:8 - जिरेल

⁸ मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा बिन्‍नामेईनी थेत्ताङ झन चुक छ्येज्‍यीक शक्ति ओता ईन्‍दाका सिन लेमु खाला छ्या स्‍येबा थुप्‍क्‍यो।

२ कोरिन्‍थी 3:8 ပူးပေါင်းရင်းမြစ်များ

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

२ कोरिन्‍थी 3:17

प्रभु ख्रीष्‍टताङ परमेश्‍वर आत्‍मा दोक्‍पोईराङ ईन। सुइँदा मि सेमगी नाङ प्रभु ख्रीष्‍टकी आत्‍मा ओत्‍नामेकी थे मि गोमाका परमेश्‍वरगी मिओनला बिन्‍दाते नियम अधीनला देता माफाबो।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

२ कोरिन्‍थी 3:7

दोई पाटीला खोपे खाईन टिबाते होथे नियम पाटीओन परमेश्‍वरगी थे खोरोङला तेरजीन थेत्ताङ बात खाबेकी परमेश्‍वर झिलिमिली नाम्‍दाककी खित्‍सादु मोशे छ्येत आउदी खाला टल्‍के खित्‍च्‍या गाला ओतान। थेते थोक खाला टल्‍के खित्‍च्‍येते छ्येतकी टाक घटे खाला डुइन ओत्‍सीनोङ ज्‍यीबेकी इस्राएलीओनगी मोशे छ्येत ता थुप्‍कीन मेतान। थेरू साबा च्‍योकराङ माक्‍यासीन पापकी सजाय ङेत्‍ला स्‍यिइओ सिन टिबा ओताते थे नियम तेरजीननी परमेश्‍वरते थोक आउदी झिलिमिली मिओनगी थोङा थुपा ओतान सासीन

२ कोरिन्‍थी 3:9

परमेश्‍वर दोन्‍दु मि दोषी ईन सिन छ्या स्‍येच्‍येते नियम तेरजीननी परमेश्‍वरते चुक छ्येज्‍यीक शक्ति ओता ईन्‍दाका सिन थोङा ओतान सासीन थेकी मिओनला दोषी मेन सिन सानामेई थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 5:5

ङुरूङनी परमेश्‍वर नियम ङेन्‍देकी मेन्‍गीन येशू ख्रीष्‍टला विश्‍वास खाबेकीका परमेश्‍वरगी दाक्‍पोनला दोषी मेन सिन साबाते ईन सिन पत्ते खिओ। परमेश्‍वर आत्‍मा ङेता ओतेकी था तिरी परमेश्‍वरगी दाक्‍पोनला पक्‍काराङ दोषी मेन सिओ सिन ङुरूङ आश खाला गुलाराङ देत्‍क्‍यो।

एफिसी 2:18

थेकी खाबाते कामगी खित्‍सादु थाचेन ख्‍योकोन ज्‍येन ज्‍येन जातकी मि ईन्‍सीनोङ ङ्योकोन इस्राएली ईन्‍सीनोङ ङुरूङ गाङेकी ङेताते परमेश्‍वर आत्‍मे छ्य्‌वापेईराङ आबा परमेश्‍वर दोन्‍दु ड्वा थुप्‍क्‍यो।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।