२ कोरिन्थी 3:7 - जिरेल7 दोई पाटीला खोपे खाईन टिबाते होथे नियम पाटीओन परमेश्वरगी थे खोरोङला तेरजीन थेत्ताङ बात खाबेकी परमेश्वर झिलिमिली नाम्दाककी खित्सादु मोशे छ्येत आउदी खाला टल्के खित्च्या गाला ओतान। थेते थोक खाला टल्के खित्च्येते छ्येतकी टाक घटे खाला डुइन ओत्सीनोङ ज्यीबेकी इस्राएलीओनगी मोशे छ्येत ता थुप्कीन मेतान। थेरू साबा च्योकराङ माक्यासीन पापकी सजाय ङेत्ला स्यिइओ सिन टिबा ओताते थे नियम तेरजीननी परमेश्वरते थोक आउदी झिलिमिली मिओनगी थोङा थुपा ओतान सासीन အခန်းကိုကြည့်ပါ။ |
२ कोरिन्थी 3:7
38 ပူးပေါင်းရင်းမြစ်များ
थोक ईन्सीन परमेश्वरगी मिओनला च्यिला थे खोरोङ नियम बिन्सुङा सिनोङ बात थेन्ग्यो मेन? नियम ओत्सीनोङ थेरू खिता मेङगो साबा साबाराङ खाला झन झन पाप खित्च्याक्वा सिन मिओनगी छ्या स्येस्यीत सिनराङ परमेश्वरगी थे नियम बिन्दा ओतान। दोक खाईन मिओन झन पाप खित्कान गाल्सीनोङ थेबे पाप माफ तेराला परमेश्वरगी थेबाला झन आउदी दया खाबाते ईन।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
परमेश्वर नियम ङेन्सीन परमेश्वरगी खोपरोङला दोषी मेन सिओ सिन विचार खित्कान्ते मिलाचेन गाङेला थेकी सराप बिन्ला सजाय तेरग्यो। च्यिला सासीन परमेश्वर नियमला चुक साबा ओते सासीन “नियमला खि साबाते दोक्पोईओङ मोतोङा खाला गाङे साबा साबा च्योकराङ खिन मादेत्सीन थोक्ते मिला परमेश्वरगी सराप बिन्ला सजाय तेरग्यो,” सिन टिबा ओत।
दोक ईन्सीन च्यि थे नियमचेन परमेश्वरगी आशी तेरग्यो सिन खाबाते जमान बातताङ बान्दा मिडिक्च्येते ईन ओना? मेन मेन, दोक पक्काराङ मेन। मिओनगी नोमुङ मिसिन्च्येते जुनी ङेत्स्यीत सिन परमेश्वरगी थे नियम बिन्दा मेतान। थोक ईन्दा ईन्सीन थे नियमला खि साबाते ङेन्कान्तेबाला थेकी दोषी मेन सिरच्या ओतान।
थेमे ख्योकोन परमेश्वर दोन्दु ड्वा ङेत्च्येतेचेन थाङबो इस्राएलीओन सीनै बोमदु ख्योला च्योक्ते मेन। सीनै बोमचेन थेबा ख्याम्बा थुप्च्या थेमे लाक्पेकी दोला ता थुप्च्येते ईन। थेजीन थेबेकी थे बोमदु आउदी जोदाज्यीक मे बाराते थेमे मुन्दाक जिङी गालाते थोङा ओतान। थेरू छ्येज्यीक हुन्डी चले खाबातेङ थेबेकी थाहा छ्येता ओतान।
थे कोठे नाङचेन ठाउँज्यीक्तु धूप पोराला जोबाते थान ओतान। थे थान सेरगी जोबा ओतान। परमेश्वर इस्राएलीओनताङ ङ्योम्बु ओत सिन सम्झे खिताला जोबाते जमान बाकसोङ थेरूराङ ओतान। थे बाकसचेन लाक नाङ सेरगी मोरे खाईन जोबा ओतान। थेमे थे नाङ मन्न लुगीन ज्याक्पाते सेरगी नोत, हारूनगी गोमा खुराते च्यूली बुराते फेर्का थेमे परमेश्वर नियम टिबाते दोई पाटी ङि ज्याक्पा ओतान।
ကြော်ငြာတွေ