२ कोरिन्थी 3:14 - जिरेल14 थेजीन इस्राएलीओन छ्याःङ मोखोच्या गाला ओतान। थेबा थोरूमोङ थोकराङ ओतेकी मोशेकी टिबाते परमेश्वर नियम पढे खित्जीन थेबेकी छ्याःङ मोखोदुक। ख्रीष्टकी छ्य्वापेईकामा थे बात लेमु खाला खोबा थुप्क्यो। အခန်းကိုကြည့်ပါ။ |
२ कोरिन्थी 3:14
34 ပူးပေါင်းရင်းမြစ်များ
चुक सासीन “प्रभु परमेश्वरगी थेबे मिक छ्याःङ मोथोङच्या जोला दुक। थेमे थेबे सेमोङ छ्याःङ छ्या मेस्येच्या जोकीन बिन्ला दुक। थोक ईन्देकीराङ थेबा परमेश्वरगी खाबाते काम थोङसीनोङ छ्याःङ खोबा मुथुप्च्या गाल्ला दुक थेमे परमेश्वर बात थोसीनोङ छ्याःङ छ्या मेस्येच्या गाल्ला दुक,” साकीन “थोगीराङ थेबा ङे छ्य्वापा लै मिक्किदुक। थोक खाबा ईन्सीन ङा थेबाला थेबे पापदुकी टाल्ला लेमु खित्च्या ओतान,” सिन प्रभु परमेश्वरगी साबाते बादोङ साबा ओतान।
थेमे थेरू मिज्यीगी परमेश्वर नियमला टिबाते थेमे परमेश्वर बात खित्कान्तेबेकी टिबाते बात गाङेकी थोच्या खाईन पढे खासुङ। थे बाततेबा पढे खाईन सिन्नामेकी थे मिटिङ खित्च्येते खाम्बे छ्ये छ्ये मिकी आज्यो न्वावे, ख्योकोनला खइँदा लेमु बात सिरा सेम लाबा ओत्सीन थे बात दुरू जम्मा ओङाते मिओनला खि सिन मिज्यीकला पावलताङ बारनाबास देत्सादु ताङसुङ।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
थेमे याङराङ आज्यो न्वावे, परमेश्वरगी इस्राएलीओनला चुक चुक खिते सिरच्येते बात ख्योकोनगी छ्या स्येस्यीत सिन ङा दि बातज्यीक सिरामीन। दि बात ख्योकोनगी खेराङ बुद्धि खिये खाला छ्या स्येबा मुथुबो। थेकी गोमा सुङलाङ छ्या स्ये च्युता मेताते बात च्यि ईन्दे सासीन काल्बा च्योक इस्राएलीकी परमेश्वरगी साबाते पटक्क ङेन्च्ये सेम माक्यासीनोङ थेबा तिरीसाक दोकराङ खिन मेदेदो। परमेश्वरगी ज्येन ज्येन जातकी मि नाङदुकी थे खोरोङला विश्वास खिओ साबाते मि जति थे खोरोङ छ्य्वापा लै खाईन मासिनथुपकामा थेबा दोक खिन देत्क्यो।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
ကြော်ငြာတွေ