२ कोरिन्थी 2:17 - जिरेल17 ईन्सीनोङ मि काल्बेईकी खोपरोङ फाइदे लाईदु खाबाच्योक खाला ङ्योकोननी ङेराङ फाइदे लाईदु परमेश्वर बात मोलोबो। बरू ख्रीष्टताङ जीउज्यीकराङ ओङा ओतेकी परमेश्वर दोन्दुराङ दि काम खिन ओत सिराच्योक खाला सेमदु छ्याःङ पापताङ लोभ मोज्योबा खाला ङ्योकोनचेन परमेश्वरगी ङेराङला जिम्मा बिन्दाते काम खिओ। အခန်းကိုကြည့်ပါ။ |
२ कोरिन्थी 2:17
30 ပူးပေါင်းရင်းမြစ်များ
थोक ईन्देकी था ङुरूङगी मेलेबाते कामताङ पाप खिता तोङा फाप्क्यो। मेलेबाते कामताङ पाप खित्च्येते बानीचेन सोडा लुगीन स्येबाते स्योबेन च्योक्ते ईन। था सेमदु छ्याःङ पापताङ लोभ मोज्योबा खाला लेमुते कामताङ साँचोते बातकामा खिता फाप्क्यो। दोक खाबातेचेन ङुरूङगी सोडा मुलुबा खाईन स्येबाते स्योबेन सोकीन निस्तार चाड माने खाबा च्योक्ते ईन।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो।
ख्योकोन बात थोकीन ङा छकदाङ परे खासुङ। ख्योकोनगी चुक खाईन दोक खिता थुप्सुङा? च्यि परमेश्वरगी ख्योकोनला थे खोरोङ दोन्दु स्योक सिन काताङाते ख्रीष्टकी खाबाते कामगी खित्सादु दया खिन लेमु खिताप सिन मेनरो? ख्योकोननी होथोक खित्कान्ते परमेश्वर छ्य्वापेई ठाला ठाला खाईन सिन्दुक। थेमे ख्योकोननी ख्रीष्टते गा लाङच्येते बात ङेन्दे साटोला गा लाङच्येते बात ईन सिन ज्येनज्यीक बातका ङेन्दाला स्यूदुक।
होथोक्ते मिओनला दोक्ते बात मालोप साला थेबे खा टाले खिता फाप्क्यो। च्यिला सासीन थेबेकी मिओनला लोपा मेङच्येते बात लापेकी होथेबे बात ङेन्गीन येशू ख्रीष्ट मिओन नाङ खाम्बा थोई थोई मिकी ङेन्दा फाप्च्येते बात ङेन्दा ताङला दुक। थेबेकीचेन छ्याःङ ङोचा मिक्किता खाला खालि पैसा ज्वाप्की लाईदु होथोक्ते बात लोप्च्येते ईन।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
ကြော်ငြာတွေ