२ कोरिन्थी 13:11 - जिरेल11 लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो। အခန်းကိုကြည့်ပါ။ |
२ कोरिन्थी 13:11
51 ပူးပေါင်းရင်းမြစ်များ
थे बातओन च्यि ईन्दे सासीन ख्योकोनगी ल्हाला पूजा खाबाते छ्याःङ मासा, ठागोङ मासा। ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत। ङ्योकोनगी माकेत साबाते दि कामओन ख्योकोनगी माक्यासीन लेमु ओङगो। लो ख्योकोन गाङेला साबा च्योक ओङस्यीत,” सिन टिबा ओतान।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
आज्यो न्वावे, था ज्येन बात च्यि सासीन परमेश्वरला चुक्ते काम मन परे खिते, ख्योकोनगी चुक खाला देता फाप्कीते सिन ङ्योकोनगी ख्योकोनला लाप्कीन बिन्दा ओत। ङ्योकोनगी लापाच्योक खाला ख्योकोन कामोङ खिनराङ दुक। प्रभु येशूताङ जीउज्यीकराङ ओङाते मि ईन्देकी ङ्योकोन ख्योकोनला थोरूमसाक खिन ओताच्योक खिन देता मातोङ, झन लेमु खाला दोक खिनराङ देत सिन सिओ।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
ကြော်ငြာတွေ