चुक सासीन ङुरूङगी गाङे ङोन्दु खिता ओङच्येते कामताङ बातकामा खिता फाप्क्यो। ज्येनताङ रूला भक्कुचूर सोला थुला मोज मज्जा खित्च्येते, छ्याङ रक्सीकी जिला ख्याम्च्येते थेमे रन्डीबाजीताङ होदि च्योक्ते खिता मेङच्येते ङोचा लाङच्येते काम खिता मेङगो। ज्येनताङ थोम्मु जीङगा खित्च्येते थेमे मिला डार खित्च्येतेङ खिता मेङगो।
२ कोरिन्थी 12:21 - जिरेल21 दि पालो ङा थेपा ओङजीन ख्योकोन थोरूमोङ होदोक दोकराङ खिन ओता थेप्सीन ङे माने खिन ओताते परमेश्वरगी ख्योकोनगी खित्सादु ङाला ङोचा लोङगीता सिन ज्यीबा लाबा ओत। दोस्यिककामा मेन, ख्योकोन नाङ गोमाबा रन्डीबाजी थेमे होदि च्योक्ते खिता मेङच्येते ज्येनोङ ङोचा लाङच्येते काम खित्कान्ते मिओनगी खोपरोङगी थोक खाबाते लेमु मेन्दाक्वा सिन थोक खिता ताङा मेत्सीन थोक्ते मिओन लाईदु ङे ङुइनकामा पीर खिता फाप्क्यो। အခန်းကိုကြည့်ပါ။ |
२ कोरिन्थी 12:21
37 ပူးပေါင်းရင်းမြစ်များ
दि बात च्यि ईन्दे सासीन ङेराङ जातकी आज्यो न्वाओन लाईदु पीर खिताई खिताई थानी ङेते सेमोङ छोकीन सिन्सुङ। ङा थेबे लाईदु आउदी खाला पीर खिनराङ देत्क्यो। थेबे साटोला थेबा च्योक खाईन ङा ङाराङ ख्रीष्टकी छ्य्वापेई ठाल्गीन देता थुप्सीन थेमे परमेश्वरगी थेबाला तेरच्येते सजाय ङाराङगी भोगे खिता फाप्सीन थोगोङ खित्च्या ओतान।
ईन्दानी पालो ङिकी बाजिला थेपा गाला ओत्जीनोङ ङे पाप खाबा ओत्कानलाङ ज्येनलाङ गाङेला च्यि च्यि खिसे, चुक खिता मेङते सिन सम्झे खाईन बिन्दा ओतान। था दि पालोला ङा थेपा ओङजीनोङ सुइँदा ङे बात माङेन्गीन गोमा च्योकराङ खिन ओता थेप्सुङ सासीन थोक्तेलाचेन ङा लेमु मिक्किओ सिन थाल्ला ङाराङ थारीला ओते बेलालाराङ सिओ।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
ज्येनलाचेन मे ऊरसादुकी टेप जुम्ला थेन्दाच्योक खाला नरककुण्डमा स्यूक्च्येते सजायदुकी थार छ्युत। ज्येनला दया खाला दोक्ते काम खित्जीन खेराङलाङ थेबे बानी मोलोप्स्यीत सिन ख्योकोन च्याङबो खि याङ। टेक्टेस्यिकराङ ईन्सीनोङ थेबेकी खित्च्येते च्योक्ते मेलेबा काम ख्योकोनगी छ्याःङ खिता माफाप्स्यीत सिन च्याङबो खाला देत।
होथे दूतओनगी च्योकराङ खाईन सदोम, गमोराताङ थे फेरोला ओताते सारगी मिओनगीङ परमेश्वरगी साबाते माङेन्सुङ। थे सारगी मिओनगीचेन रन्डीबाजी थेमे होदि च्योक्ते खिता मेङच्येते आउदी मेलेबा मेलेबा काम खाबा ओतान। थोक खाबेकी खित्सादु परमेश्वरगी गन्धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्ला मेलेबा काम खित्कानला चुक खाला नरककुण्डमा सधैँ बारगीन देत्च्येते मे धुनी नाङ लुक्ला सजाय तेरगीते सिन छ्या स्ये ज्युताला थेकी थोक खाईन थे सारगी मिओनला सजाय बिन्दा ओतान।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
ကြော်ငြာတွေ