२ कोरिन्थी 12:11 - जिरेल11 ङे छ्याःङ बुद्धि मेताते लेम्बाते मिकी च्योक खाईन ङा दोक्ते मि ईन, ङे दोक खिता थुप्क्यो सिन छ्ये खिन बात खाबाप। ङाला दोक खित ज्युत्कान्ते ख्योकोनराङ ईन। ख्योकोनगीका थे दोक्ते मि ईन, थेकी दोक दोक खिओ सिन ङे बात खिता फाप्च्येते ईन। ईन्दाका ङाला छ्ये ज्वा फाप्च्येते ङा सुङ मेन। ईन्सीनोङ खेराङगी येशू ख्रीष्टकी खटे खाबाते मि नाङ खापान खापान छ्ये ईन सिराच्योक ठाने खाबाते मिओन भन्दा ङा छ्याःङ कुरोलाङ कम्ती मेत। အခန်းကိုကြည့်ပါ။ |
ङेचेन परमेश्वरगी सिर च्युताते बात खित्च्येते शक्ति ङेता ओत्सीनोङ, परमेश्वरगी गोमा सुङलाङ छ्या स्ये च्युता मेताते बाततेबा गाङे छ्या स्येकान्ते ईन्सीनोङ थेमे परमेश्वरगी चुक खाला काम खिते सिरच्येते बात गाङे छ्या स्येबा ओत्सीनोङ ङे ज्येनला ङिङज्ये माक्यासीन दि बाततेबा छ्या स्येला छ्याःङ काम लै मिक्किओ, ङा छ्याःङ मेन। थेमे परमेश्वरगी जेङ खिता थुप्क्यो सिन थेला विश्वास खाला बोमज्यीकला सरे खाला ग्युक साला थे बोमला समेत सरे खित ज्युता थुप्सीनोङ ङा छ्याःङ मेन।
ङे छ्ये खिता चाल्सुङ सासीन स्वर्गने ङाराङगी थोङाते थेमे थोबाते बात खाला ङा छ्ये खिता थुप्क्यो। दि साँचोते बात ईन्देकी सुङगीङ ङाला थेकी लेम्बे बात खासुङ सिरा मुथुबो। ईन्सीनोङ मिओनगी ङा चुक खिका थेमे ङे च्यि बात लोप्कीका थेकामा छ्या स्येस्यीत सिन ङाराङगी थोङाते थेमे थोबाते होथे बात था ङा मिक्किओ।
थेमे च्यि ख्योकोनला ङेराङ आउदी लेमु मि ईन सिरालाका लोक्ला ङ्योकोनगी ङ्योकोन ज्येनगी च्योक मिक्किओ साबाते ईन्दासीन सिराच्योक लाङगीदुक? ज्येनला च्योकराङ ङ्योकोनलानी ख्योकोनला तेन्दाला दि मि दोक्ते ईन सिन टिकीन बिन्दाते चिट्ठी मोगोओ। ङ्योकोन चुक्ते मि ईन्दे सिन ज्येनला तेन्दाला ख्योकोनगी टिबाते चिट्ठीङ मोगोओ।