२ कोरिन्‍थी 11:31 - जिरेल

³¹ ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 11:31 ပူးပေါင်းရင်းမြစ်များ

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

रोमी 1:25

दोक खाईन परमेश्‍वर सु ईन्‍दे, चुक्‍ते ईन्‍दे सिन सत्‍यते बात छ्या ओत्‍कीन ओत्‍कीनोङ थेबेकीनी ओताते जति गाङे जोकान्‍ते परमेश्‍वरला माने खिता ताङगीन थेकी जोबातेबालाका ल्‍हा सिन माने खिताला स्‍यूसुङ। परमेश्‍वरतेकामा सधैँ जय जय ओङस्‍यीत। आमेन।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 15:6

दोक खाईन ख्‍योकोन गाङे सेमज्‍यीकराङ खाला डिक्‍ला ख्‍योकोनगी खाज्‍यीकराङ खाला ङुरूङ प्रभु येशू ख्रीष्‍ट आबा परमेश्‍वरते जय जय खिता थुप्‍क्‍यो।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

२ कोरिन्‍थी 1:23

दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। मिओनला ङिङज्‍ये खित्‍कान्‍ते थेमे दुक्‍पे बेलाला आँट तेरकान्‍ते थेराङ ईन।

२ कोरिन्‍थी 11:11

च्‍यि ङे ख्‍योकोनला ङिङज्‍ये मिक्‍किच्‍येते ईन्‍देकीका ख्‍योकोनताङ छ्याःङ मालाबाते ईन्‍दासीन साबाप? ङे ख्‍योकोनला थोई ङिङज्‍ये खिते सिन परमेश्‍वरलाराङ छ्या ओत।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

एफिसी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

एफिसी 3:14

आबा परमेश्‍वरगी खाबाते दि अचम्‍बते कामओन विचार खिन घुँडा चुला ङा थेला प्रार्थना खिओ।

कलस्‍सी 1:3

ख्‍योकोन लाईदु प्रार्थना खित्‍जीन ङ्योकोन जहिलेङ ङुरूङ प्रभु येशू ख्रीष्‍ट आबा परमेश्‍वरला धन्‍यवाद सिओ।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।