२ कोरिन्थी 11:26 - जिरेल26 थोक खाला फार छुर डुइनराङ देता फाप्जीन ङा पालोताङ पालो भल ग्यासालाङ फाप्सुङ। पालोताङ पालो डाँकाओन लाःक्तुङ फाप्सुङ। पालोताङ पालो ङाराङला नाम सेत्कीताना सिन ङे ङाराङ यहूदीओन थेमे ज्येन ज्येन जातकी मि ज्यीबा खुरगीन ख्याम्बा फाप्सुङ। सारगी नाङला युक्जीन ईन्स्यीत, खाम्बाताङ युल छ्याःङ मेत्साला ख्याम्जीन ईन्स्यीत, समुन्द्रदुकी खाला डोसाला ईन्स्यीत थेमे येशू ख्रीष्टला विश्वास खित्कान्ते ईन सिरकान्तेबा तर थोक मेन्देकी ङाला मेलेबा खिता छोल्कान्ते मिओन नाङला ईन्स्यीत जहाँदुङ जहिलेङ ङाला ज्यीबाकामा ओतान। အခန်းကိုကြည့်ပါ။ |
थोगी च्यि था सुइँदेकी थेमे खइँदेकी ङुरूङला ङिङज्ये खित्कान्ते येशू ख्रीष्ट छ्य्वापेकी डेला थुप्क्योतरो? च्यि सासीन ङुरूङला दुक्पा ओङसीनोङ, पीर फाप्सीनोङ, ज्येनगी खेदा खाईन दुक्पा बिन्सीनोङ, त्वाबा तुक्पाताङ पेर्दुङबाराङ देता फाप्सीनोङ, खइँसाला दाक खइँदा ओङगीता सिन ज्यीबा खिता फाप्सीनोङ थेमे सेत्सुङराङ सासीनोङ येशू ख्रीष्टकी ङुरूङला ङिङज्ये खिता ताङाक्वा सिन नोमुङ सिरा माफाबो।
मिकी साबा च्योकराङ स्याप्ते मिओन सोम्बो मोलोक्च्या ईन्सीनका ङा एफिससदु ङाराङ ज्यानगी मायाङ मारे खाला थोक खाला च्येन थोमताङ जीङच्या मेतान। स्यिनामेई सोम्बो लोक्च्येते बात छ्याःङ मेत्सीनका ज्येनगी च्योकराङ “लो स्योक ङुरूङ स्यीम्बु स्यीम्बु सेइ, थुङगी। च्यिला सासीन ङारो दाक स्याङ थुप्क्यो,” सिन सिइ ओना।
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।