२ कोरिन्थी 11:23 - जिरेल23 थेबेकी खोपरोङ येशू ख्रीष्ट काम खित्कान्तेबा ईन खिदुक। ङाङ येशू ख्रीष्ट काम खित्कान्तेराङ ईन। ईन्दानी दोक्ते बात खित्च्येते लेम्बे बात च्योक्ते ईन सिन ङाला छ्या ओत। ईन्सीनोङ ङा च्यि सिते सासीन थेबेकी भन्दा ङे खापान खापान ल्हाक्पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन। အခန်းကိုကြည့်ပါ။ |
२ कोरिन्थी 11:23
43 ပူးပေါင်းရင်းမြစ်များ
ङे थोक मेलेबा खाबा ईन्सीनोङ परमेश्वरगी ङाला दया खाईन ज्येनला येशू ख्रीष्ट बात लोप्कान्ते मि जोसुङ। परमेश्वरगी ङाला दया खाबाते थाराङ खेरो मागाल्सुङ। ङेचेन ङाराङ च्योकराङ येशू ख्रीष्टकी खटे खाबाते मि गाङेकी भन्दा दुक्पा खाईन खाईन ल्हाक्पा काम खाबा ओत। ईन्सीनोङ ङे खाबाते काम ङाराङ स्येतताङ बुद्धिकी खाबाते मेन। दि गाङे परमेश्वर दयेकी खित्सादु खिता थुपाते ईन।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
ङ्योकोन दोक्ते मि ईन सिन लेमु खाला छ्या ओत्सीनोङ मिकी ङ्योकोन चुक्ते मि ईन्दे सिन छ्या स्येबा मेता च्योकराङ खिदुक। पालोताङ पालो था नाम स्यिइताना सिराच्योक खाईन देता फाप्सीनोङ ङ्योकोन थोरूमसाक दि धर्ती लाक काम्बा चुला ख्याम्गीनराङ ओत। थेमे ङ्योकोन च्येते खाला ङेराङ काम खिता तोङस्यीत सिन ङ्योकोनला दुकीन सेता चाल्सीनोङ थोरूमसाक स्यापराङचेन मेत।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
ङुरूङ न्वा तिमोथीला ख्योकोन ओत्सापा ताङा ओतान। तिमोथीङ ङ्योकोनताङराङ परमेश्वर काम खिन मिओनला ख्रीष्टते गा लाङच्येते बात लोप्कान्ते मिराङ ईन सिन ख्योकोनला सिरा माफाप्तासीन। ज्येनगी दुक्पा तेरजीन ख्योकोन सुङगीङ प्रभु येशूला विश्वास खिता तोङा मेङगो, बरू जति दुक्पा ओङसीनोङ सेम मेसेता खाला थेला विश्वास खिनराङ देता फाप्क्यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्वास खाबेकी खित्सादु ङुरूङगी दुक्पा भोगे खिता फाप्क्यो सिन ख्योकोनला लेमु खाला छ्याराङ ओत।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
मिओनगी ङाला खेदा खाईन खाईन दुक्पा बिन्दाते थेमे ङे भोगे खाबाते जेसुकै दुक्पा खोल्ला छ्या मेताते मेन। एन्टिओखिया, आइकोनियम थेमे लिस्त्रा सारगी नाङला मिओनगी ङाला चुक मेलेबा खाबा ओताने सिरच्येते बादोङ खोल्ला छ्याराङ ओत। ङाला जहाँदु जस्तो दुक्पा ओङसीनोङ प्रभु येशू ख्रीष्टकी थोक्ते गाङे दुक्पादुकी जोए खाबा ओत।
ကြော်ငြာတွေ