ख्रीष्टकी मि ईन्देकी ङ्योकोनचेन छ्याःङ मेस्येकान्ते लेम्बाते मि च्योक ओङा ओत। तर ख्रीष्टकी खित्सादु ख्योकोननी आउदी च्याङबो गाल्दुक। थेमे ङ्योकोन छ्याःङ खिता मुथुप्कान्ते मि ईन। ख्योकोनचेन जेङ खिता थुप्कान्ते ईन। थोकराङ खाला मिओनगी ङ्योकोनला दिबाङ सु ईन्देरो सिराच्योक खिदुक। ख्योकोनलाचेन गाङेकी मान खिओ।
२ कोरिन्थी 11:18 - जिरेल18 मि काल्बेईकी ङा दोक्ते ईन, ङे दोक खिता थुप्क्यो सिन छ्ये खिन बात खाबा च्योकराङ ङाङ खितामीन। အခန်းကိုကြည့်ပါ။ |
२ कोरिन्थी 11:18
13 ပူးပေါင်းရင်းမြစ်များ
ङे छ्याःङ बुद्धि मेताते लेम्बाते मिकी च्योक खाईन ङा दोक्ते मि ईन, ङे दोक खिता थुप्क्यो सिन छ्ये खिन बात खाबाप। ङाला दोक खित ज्युत्कान्ते ख्योकोनराङ ईन। ख्योकोनगीका थे दोक्ते मि ईन, थेकी दोक दोक खिओ सिन ङे बात खिता फाप्च्येते ईन। ईन्दाका ङाला छ्ये ज्वा फाप्च्येते ङा सुङ मेन। ईन्सीनोङ खेराङगी येशू ख्रीष्टकी खटे खाबाते मि नाङ खापान खापान छ्ये ईन सिराच्योक ठाने खाबाते मिओन भन्दा ङा छ्याःङ कुरोलाङ कम्ती मेत।
दोक खित्जीन थेकी ङाला “ङे खोल्ला आउदी खाईन दया खाबा ओत। दि भन्दा ल्हाक्पा था खोल्ला छ्याःङ मोगोओ। खोरोङगी छ्याःङ खिता मुथुप्जीनराङ खुई ङेताते ङे शक्ति चुक छ्ये ईन्दाका सिन खुई छ्या स्येक्यो,” सिन सिदुक। थोगी ङाराङगी छ्याःङ खिता मुथुप्जीन ङानी गाका खिओ। च्यिला सासीन थोक्ते बेलालाराङ ख्रीष्टकी ङाराङला थे खोरोङ शक्ति बिन्दा ओत सिन ङे छ्या स्येकीदुक।
ကြော်ငြာတွေ