२ कोरिन्‍थी 11:14 - जिरेल

¹⁴ ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

२ कोरिन्‍थी 11:14 ပူးပေါင်းရင်းမြစ်များ

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ कोरिन्‍थी 2:11

शैतानगी ङुरूङ नाङ खिता चालाते काम छ्याःङ खिता मेङेत्‍स्‍यीत सिनराङ ङुरूङगी दोक खाला माफ तेरा फाप्‍क्‍यो। थेकी चुक च्‍याङबो खाला काम खिते सिन ङुरूङला छ्याराङ ओत।

गलाती 1:8

सुइँदेकी ङ्योकोनगी ख्‍योकोनला लाप्‍कीन बिन्‍दा ओताते गा लाङच्‍येते बातताङ डिकराङ मिडिक्‍च्‍येते बात लोप्‍कीदुक सासीन ङ्योकोन ईन्‍सीनोङ स्‍वर्गनेई वाबाते परमेश्‍वर दूत ईन्‍सीनोङ जोराङ ईन्‍सीनोङ थोक खित्‍कान्‍तेलाचेन परमेश्‍वरगी सजाय बिन्‍ला नरककुण्‍डमा लुस्‍यीत।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

कलस्‍सी 1:12

थेमे ख्‍योकोनगी आबा परमेश्‍वरला धन्‍यवाद सिरा थुप्‍स्‍यीत सिनोङ प्रार्थना खिओ। थेकी थे खोरोङ सन्‍तानओनगी स्‍वर्गे राज्‍यने ङेत्‍च्‍येते गाङे ङुरूङगीङ ङेत्‍क्‍यो सिन साबा ओत।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।