२ कोरिन्थी 11:13 - जिरेल13 होथेबानी ख्रीष्टकी खटे खाबाते मि ईनराङ मेन। थेबा मिला छक्के खाला ठगे खित्कान्तेबा ईन। थेबानी ख्रीष्टकी खटे खाबाते मिकी च्योक खित्जुम खित्कान्तेबाकामा ईन। အခန်းကိုကြည့်ပါ။ |
२ कोरिन्थी 11:13
36 ပူးပေါင်းရင်းမြစ်များ
ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो।
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।
बात च्यि सासीन ख्योकोनला कर लै खाला खाला जीउला खतकी चिनु ज्वा फाप्क्यो सिन सिरकान्ते मिओनगीनी खोपरोङ फाइदा ताला मिला खुशी ज्वाप्लाकामा थोक खि सिरच्येते ईन। येशू ख्रीष्टला स्यिङगी थामला टाँए खाईन सेताते बातकामा लाप्सीन ज्येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्येते ईन।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
बातज्यीक ङे ख्योकोनला पालोताङ पालो साबा ओत। थे बात सम्झे खित्जीन ङाला आउदी मेलेबा लाङगीदुक। दि बात ङा लोक्ला सिन ओत। च्यि सासीन ख्रीष्टला विश्वास खित्कान्ते मि ईन सालाङ मि काल्बेईकी ख्रीष्ट स्यिङगी थामला टाँए खाईन स्या फापाते बात छ्याःङ मेन सिराच्योक खाला खोपरोङ खुशी खिन ख्याम्गीदुक।
ख्योकोन च्याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्च्येते बातनी छ्याःङ काम लै मिक्किच्येते ईनराङ मेन्दे बात ईन। थोक्ते बातनी दि सा लुङबा खाङ मिओनगी खोपरोङ ज्युज्यु पुर्खे पालोमेई माने खिन वाबाते रीतिथिति बातकामा ईन। थोक्ते बात ख्रीष्ट सु ईन्दे, चुक्ते ईन्दे सिरच्येते बातताङ बान्दा मिडिगो।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
च्यि सासीन ख्योकोनगी खिन ओताते गाङे काम ङाला छ्या ओत। ख्योकोनगी स्याप स्याप खाईन काम खाबाते थेमे दुक्पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्कान्ते मिओनला ख्योकोनगी मन परे माक्याबातेङ ङाला छ्या ओत। खोपरोङ येशू ख्रीष्टकी खटे खाबाते मि ईन सिन सिरकान्तेबाला ख्योकोनगी थेबा पक्काराङ थोक्ते मि ईन्दाकाना मेन्दाका सिन विचार खाईन ताकीन थेबा थोक्ते मि मेन सिन छ्या स्येला दुक। थेबानी खोपरोङगी ईन साबा च्योक्ते मि ईनराङ मेन।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
च्यि सासीन ख्योकोनला ज्येनगी दुक्पा बिन्दाते बात ङाला छ्या ओत। थेमे ख्योकोनला दाङच्या ख्योप्च्या मेत सिनोङ ङाला छ्या ओत। ईन्सीनोङ ख्योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्किकान्ते मिओनगी ईन्दा मेन्दे दोष लै खाईन ख्योकोन विरोध खाबाते बात ङाला छ्या ओत। थेबाचेन शैतानताङ डिक्कान्ते मि ईन।
ကြော်ငြာတွေ