थेबे बात थोकीन येशूकी थेबाला “ख्योकोननी परमेश्वरला छ्ये ज्वाप्ला मेन्देकी मि मिकला छारो देक्पालाका काम खित्च्येते खिदुक। ख्योकोनगी खिन ओताते काम ताला मिओनगी ख्योकोनला लेमु मि ईन सिन मान खिदुक। तर ख्योकोनगी च्यि सेमगी काम खाबाते ईन्दे सिन परमेश्वरला गाङे छ्या ओत। मिओनगी लेमु सासीनोङ ख्योकोनगी खाबाते कामनी परमेश्वरला बान्दा मन परे मिक्किओ।
२ कोरिन्थी 10:18 - जिरेल18 बातचेन दिराङ ईन, मिकी ङा दोक्ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्वरगी दि मि लेमु मि ईन सिन सासीन थे बात खुदुकराङ ईन। အခန်းကိုကြည့်ပါ။ |
२ कोरिन्थी 10:18
21 ပူးပေါင်းရင်းမြစ်များ
इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्दुराङ छ्ये छ्येताङ अचम्बतेन्दे काम खाईन तेन्दा ओतान। थेचेन थे खोरोङगी छाने खाईन ताङाते मि दुका सिन ख्योकोनगी छ्या स्येस्यीत सिनराङ परमेश्वरगी थेला छ्येज्यीक शक्ति बिन्गीन थोक अचम्बते काम खित च्युता ओतान। येशूकी च्यि च्यि खाबा ओताने, चुक चुक खाबा ओताने सिन ख्योकोनगीङ खेराङ मिगीराङ थोङा ओतान।
परमेश्वरगी छाने खाबाते मि ओङालानी जीउला थे खतकी चिनु जोला मेन, दाक्पोन सेमका लेमु ओङा फाप्क्यो। परमेश्वर नियमला खतकी चिनु जो सिन टिबाते बात ङेन्ला मि सेम लेमु ओङच्येते मेन। परमेश्वर आत्मेकीकामा मि सेम लेमु जोइओ। होदोक्ते मिलाचेन ज्येनगी मान माक्यासीनोङ परमेश्वर थेबाताङ खुशी ओङला थेबाला मान तेरग्यो।
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
थेमे ङ्योकोननी ङ्योकोन दोक्ते ईन, ङ्योकोनगी दोक खाबाप थोक खाबाप सिन सिरकान्ते मिओन छेत मेन। थोक छ्ये मिओनताङ ङ्योकोन चुक खाला दाँजे खिता थुप्कीतेरो। थेबेकीनी ङा दोक खिओ, थोक खिओ सिन साला खोपरोङगी खिओ साबा छेत खाला ङे फलानेकी भन्दा लेमु खाबाप सिन दाक्पोनला ज्येनताङ दाँजे खाला लेम्बे काम खिदुक।
ख्योकोनगी मेलेबा काम छ्याःङ मिक्किस्यीत सिन ङ्योकोन परमेश्वरला प्रार्थना खिओ। ख्योकोनगी लेमु काम खासीन मिओनगी ङेराङला येशू ख्रीष्टकी खटे खाबाते मि मेन सासीनोङ ङेल्ला छ्याःङ मेत। ङ्योकोन लाईदु छ्येते बात मिकी ङेराङला लेमु मि ईन सिरस्यीत सिरच्येते मेन, बरू ख्योकोनगी लेमु काम खित्स्यीत सिरच्येतेराङ ईन।
थेमे च्यि ख्योकोनला ङेराङ आउदी लेमु मि ईन सिरालाका लोक्ला ङ्योकोनगी ङ्योकोन ज्येनगी च्योक मिक्किओ साबाते ईन्दासीन सिराच्योक लाङगीदुक? ज्येनला च्योकराङ ङ्योकोनलानी ख्योकोनला तेन्दाला दि मि दोक्ते ईन सिन टिकीन बिन्दाते चिट्ठी मोगोओ। ङ्योकोन चुक्ते मि ईन्दे सिन ज्येनला तेन्दाला ख्योकोनगी टिबाते चिट्ठीङ मोगोओ।
मेला लुगीन ताकीन सक्कली दुका सिन छ्या स्येबाते सेरोङ ङीमाई छ्याःङ काम लै मिक्किच्या डुइओ। सेर आउदी दामी चीज ईन्सीनोङ दि भन्दाङ ख्योकोनगी येशू ख्रीष्टला खिन ओताते विश्वास झन आउदी छ्ये ईन। दोक्ते परी परीतेन्दे दुक्पा ओङजीनराङ ख्योकोनगी थेला पक्काराङ खाईन विश्वास खाबाते ईन्दाकाना मेन्दाका सिन छ्या स्येक्यो। जति दुक्पा ओङजीनोङ सेम मेसेता खाईन थेला विश्वास खिनराङ देत्सीन था थे ग्युरला ओङे छोमु परमेश्वरगी ख्योकोनला आउदी लेमु खासुङ सिन साला थे खोरोङगी ज्वा चाला च्योकराङ लेमु जोला मान तेरग्यो।
ကြော်ငြာတွေ