२ कोरिन्‍थी 10:15 - जिरेल

¹⁵ लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।

२ कोरिन्‍थी 10:15 ပူးပေါင်းရင်းမြစ်များ

शक्ति काम 5:13

ज्‍येन ज्‍येनचेन ज्‍यीबेकी थेबाताङ रूगीन मेतान। थेबाताङ मारूसीनोङ थेबा लेमु मि ईन सिन थेबाला गाङेकी मान खिन ओतान।

रोमी 15:20

दोक खित्‍जीन ङा ज्‍येन मिकी ज्‍युबाते कामला स्‍यूक्‍पाच्‍योक खाईन गोमाका ज्‍येनगी थे बात लाप्‍कीन बिन्‍दाते ठाउँला मागाल। बरू ङेचेन येशू ख्रीष्‍ट सु ईन्‍दे सिन नोमुङ थे बात थोबा मेताते ठाउँला गाल्‍ला गा लाङच्‍येते बात लोपा फाप्‍क्‍यो सिन थोक्‍ते ठाउँला थे बात लोप गालाप।

२ कोरिन्‍थी 10:13

थेबेकी थोक खासीनोङ ङेतनी ङेराङगी काम खाबा भन्‍दा ल्‍हाक्‍पा बात मिक्‍किता खाला खालि परमेश्‍वरगी ङेराङला च्‍यि खि सिका थेकामा खिओ। थेकी खि साबा मेताते ज्‍येन छ्याःङ मिक्‍किओ। ङ्योकोनगी ख्‍योकोन नाङ खाबाते कामोङ परमेश्‍वरगी ङेराङला खि साबातेराङ ईन।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।