१ तिमोथी 5:21 - जिरेल

²¹ ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।

१ तिमोथी 5:21 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

लूका 20:21

बात खिन थेबेकी येशूला “गुरू, मिओनला खुई साँचोते बातकामा खिओ। थेमे छ्ये टेक्‍टे मिसिरा खाला गाङेला परमेश्‍वरगी च्‍यि च्‍यि खि सिका सिन लेमु खाला लोप्‍क्‍यो सिन ङ्योकोनला छ्या ओत।

लूका 9:26

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।

१ थिस्‍सलोनिकी 5:27

प्रभु येशूकी ङाला ख्‍योकोनला कोत्‍च्‍येते अधिकार बिन्‍दा ओतेकी ख्‍योकोनगी दि चिट्ठी खेराङ नाङ दोक्‍पोईलाङ मेडेला खाला गाङेला सुने खाला बिना सिन सिओ।

१ तिमोथी 6:13

थेमे ओताते जति गाङेला ङेपाक तेरकान्‍ते परमेश्‍वर थेमे रोमी गेल्‍बो हाकिम पन्‍तियस पिलातस दोन्‍दु साँचोते बात लाःप्‍कान्‍ते येशू ख्रीष्‍ट ङोन्‍दु ङा खोल्‍ला दोक दोक खि सिन कोत्‍क्‍यो।

२ तिमोथी 2:14

दि बातओन थेरू गाङेला याङ याङ सिनराङ देत। टेकाटेउरी स्‍योरच्‍येते बात माकेत सिन खुई थेबाला प्रभु परमेश्‍वर ङोन्‍दु कोत। टेकाटेउरी खाला छ्याःङ लेमु मेङगो। येशूला विश्‍वास खित्‍कान्‍ते ज्‍येनतेबे दोन्‍दु दोक्‍ते बात खित्‍जीन थेबेकी थेबाला ङ्ये ज्‍युत्‍क्‍यो।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 14:10

मिकीङ परमेश्‍वरगी कचौराला लुक्‍पा ओताते कन्‍देते अंगूर छ्याङ थुङा फाप्‍क्‍यो। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन। थोक्‍ते मिकीचेन सधैँभरि परमेश्‍वर दूतओन थेमे लुई रीउ दोन्‍दु गन्‍धक बारसादु छिगीन देता फाप्‍क्‍यो।