१ थिस्सलोनिकी 5:24 - जिरेल24 ख्योकोनला थे खोरोङ दोन्दु स्योक सिन कातोङकान्ते परमेश्वर थे खोरोङगी खिओ साबा च्योकराङ खित्कान्ते ईन्देकी थेकी ख्योकोनला ङ्योकोनगी प्रार्थना खाबाच्योक खाला लेमु खिओ। အခန်းကိုကြည့်ပါ။ |
१ थिस्सलोनिकी 5:24
35 ပူးပေါင်းရင်းမြစ်များ
थेमे दुक्पेकी कि खइँदा कारणगी खित्सादु मिला खइँदा दोक खिइ खिइ सिराच्योक लाङच्येते ख्योकोनलाकामा ओङच्येते मेन। परमेश्वर थे खोरोङगी खिओ साबा च्योकराङ खित्कान्ते ईन्देकी होथोक खाला खेराङला खिइ खिइ सिराच्योक लाबाते माक्याबाला ओङराङ मेङगो सिराच्योक ओङे बेलाला थेकी ख्योकोनला पाप खित्सादुकी रोके खिओ। दोक्ते बेलाला थेकी ख्योकोनला पाप खिता माफाप्च्येते शक्ति बिन्ला थार ज्युत्क्यो।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दाक्पोनगी ङेताते साम्बाते जुनीला खिता फापाच्योक खिताला थेमे थेला माने खिताला खिता फाप्च्येते कामताङ बात खिताला गोच्येते जति गाङे परमेश्वरगी थे खोरोङताङ ओताते छ्येज्यीक शक्ति छ्य्वापेकी ङुरूङला बिन्दा ओत। थे सु ईन्दे, चुक्ते ईन्दे सिन थेला छ्या स्येबेकी खित्सादु थेकी ङुरूङला दोक खाईन गोच्येते जति बिन्दाते ईन। थे खोरोङताङ छ्येज्यीक शक्ति ओतेकी थेमे जे खित्जीनोङ लेमु खित्कान्ते ईन्देकी थेकी ङुरूङला थे खोरोङ दोन्दु स्योक सिन काताङा ओत।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
ကြော်ငြာတွေ