१ थिस्सलोनिकी 5:23 - जिरेल23 थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ। အခန်းကိုကြည့်ပါ။ |
१ थिस्सलोनिकी 5:23
37 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
च्यि सासीन ख्रीष्टकी खाबाते कामगी खित्सादु परमेश्वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्दा खाईन थे खोरोङताङ डिक्पा खित्च्येते काम खासुङ। थेमे मिओनला थे खोरोङताङ डिक ज्युत्क्यो सिरच्येते बात ज्येनला लोप्च्येते कामगी जिम्मा थेकी ङ्योकोनला बिन्सुङ।
ख्योकोन गोमा थोक ओता ईन्सीनोङ ख्रीष्ट मि जुनी लाकीन स्याप्की खित्सादु थाचेन परमेश्वरगी ख्योकोनला थे खोरोङताङ डिक च्युता ओत। ख्योकोन थे खोरोङ दोन्दु सेम खुदुक गालाते, छ्याःङ गल्ती मेताते थेमे सुङगीङ दिबा दोक दोक गल्ती खित्कान्ते मि ईन सिरा मुथुप्च्या गालाते मि ओङस्यीत सिन थेकी ख्योकोनला दोक खाईन थे खोरोङताङ डिक च्युता ओत।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
थोगी ङिङज्येते आज्यो न्वावे, था तिरी दोक दोक ओङगो सिन खेराङ गुकीन देता ओतेकी ख्योकोन छ्याःङ गल्ती मेताते, सुङगीङ दिबेकी दोक दोक गल्ती खाबा ओत सिरा मुथुप्च्या थेमे परमेश्वरताङ डिक्ला देत्कान्ते मि ओङा थुप्स्यीत सिन ख्योकोनगी काम बात जे खित्जीनोङ लेमु खित्च्ये छ्य्वापाकामा स्येत खि।
ကြော်ငြာတွေ