१ पत्रुस 4:18 - जिरेल

¹⁸ परमेश्‍वर बातला चुक सिन टिबा ओते सासीन “परमेश्‍वरगी खि साबाच्‍योक खित्‍कान्‍ते मिओननी पापकी सजायदुकी बल्‍ल बल्‍ल थारग्‍यो सासीन थेकी खि साबाच्‍योक मिक्‍किकान्‍तेताङ पापीओनलानी झन चुकका ओङोङा,” सिन साबा ओत।

१ पत्रुस 4:18 ပူးပေါင်းရင်းမြစ်များ

लूका 15:1

कर लिन्‍कान्‍तेबा थेमे ज्‍येनगी पापी साबाते मि गाङेराङ येशूकी लोप्‍च्‍येते परमेश्‍वर बात ङेन्‍दाला झन झन थे ओत्‍सादु डुइन ओतान।

लूका 23:31

थोगी सोम्‍बोते दोङबोलानी टिल्‍नामेकी च्‍यि काम्‍गीन सिन्‍दाते दोङबो झन मिटिलोतरो? दाक टिल्‍ला स्‍येइओ,” सिन सिदुक।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

शक्ति काम 27:24

थे दूतकी वाकीन ङाला ‘पावल, खो बान्‍दा ज्‍यीबा माकेत। खो रोमी गेल्‍बो ओत्‍सादु पक्‍काराङ लेप्‍क्‍यो। था खोल्‍लाकामा मेन, खुई खित्‍सादु दया खाला खोत्ताङ ओताते मि गाङेला परमेश्‍वरगी सोन ज्‍युत्‍क्‍यो,’ सिन सासुङ।

शक्ति काम 27:31

थेबा फ्रोबा चालाते छ्या स्‍येकीन पावलगी मिल्‍टेरी क्‍याप्‍टेनताङ मिल्‍टेरीओनला “दि पानीजहाज चले खित्‍कान्‍ते मिओन फ्रोसुङ सासीनचेन हजूरबा ख्‍योकोन सुङ मोसोनो याङ,” सिन सिदुक।

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

१ कोरिन्‍थी 10:12

थोगी ङा नोमुङ थोक मेलेबा काम मिक्‍किओ सिरकान्‍तेबा ख्‍योकोन च्‍याङबो खाला देत। थोक सिरकान्‍ते मिकी झन होत्ता मेलेबा काम खिता थुप्‍क्‍यो।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

याकूब 5:6

ख्‍योकोनगी छ्याःङ खिता मुथुप्‍कान्‍ते सुधोते मिओनला थाराङ दोष लै खाईन सेत्‍सुङ। थेबेकी ख्‍योकोनला छ्याःङ मेलेबा खाबा मेतान।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

यहूदा 1:15

मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।