१ पत्रुस 3:10 - जिरेल

¹⁰ परमेश्‍वर बातला च्‍यि साबा ओते सासीन “जुनी खाङ छ्याःङ मेलेबा मेङस्‍यीत थेमे जेसुकै साबा च्‍योक ओङस्‍यीत सिरच्‍येते सेम खित्‍कान्‍ते मिकीचेन मि बात खिता मेङगो, ढाँरोङ खिता मेङगो। थेकी दाक्‍पोन खा थाताला ज्‍य्‌वाबा फाप्‍क्‍यो।

१ पत्रुस 3:10 ပူးပေါင်းရင်းမြစ်များ

मत्ती 19:17

थोक सिरजीन थेकी “लेमुते कामगी बात खुई ङात्ताङ माठिसीन ओङगो। लेमु सिरातेनी परमेश्‍वरकामा ईन। थोगी खोल्‍ला नोमुङ मिसिन्‍च्‍येते जुनी ङेता सेम ओत्‍सीन परमेश्‍वरगी बिन्‍दाते छ्ये छ्ये नियम ङेन्‍ला थेरू खि साबा च्‍योकराङ खि,” सिन सिदुक।

मर्कूस 8:35

च्‍यि सासीन तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु थेमे गा लाङच्‍येते बात लोपे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

यूहन्‍ना 12:25

बात दोक ईन्‍देकी तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला दि जुनीला दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

छ्या स्‍ये च्‍युताते बात 14:5

थेबेकी नोमुङ सुङलाङ छ्याःङ ढाँर खाबा मेतान। थेबाला सुङगीङ दिबेकी दोक दोक गल्‍ती खाबा ओत सिन सिरा मुथुबो।