१ यूहन्‍ना 4:15 - जिरेल

¹⁵ येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

१ यूहन्‍ना 4:15 ပူးပေါင်းရင်းမြစ်များ

मत्ती 10:32

दि बात ङेन। च्‍यि सासीन ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला स्‍वर्गने ओताते आबे दोन्‍दु ङाङ था तिरी दि ङे मि ईन सिन सिओ।

लूका 12:8

दि बात ङेन। ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला परमेश्‍वर ओत्‍सादुई वाबाते मि ङाङ था तिरी परमेश्‍वर दूतओन दोन्‍दु दि ङे मि ईन सिन सिओ।

यूहन्‍ना 6:56

ङे स्‍या साकान्‍तेताङ ठाक थुङकान्‍ते मिचेन ङात्ताङ डिक्‍लाराङ देत्‍क्‍यो। थेमे ङाङ थेत्ताङ डिक्‍लाराङ देत्‍क्‍यो।

शक्ति काम 8:37

फिलिपकी थेला “खुई येशूला परमेश्‍वर फुज्‍युङ ईन सिन विश्‍वास खिताला स्‍यूनामेकी दोक खिता च्‍यिला मेङतेरो, दाक ओङगो,” सिन सिदुक। थेमे थे मिकीङ “ईन, ङा येशूला विश्‍वास खिओ। येशू ख्रीष्‍टचेन परमेश्‍वर फुज्‍युङराङ ईन,” सिन सिदुक।

रोमी 10:9

थोगी था ख्‍योकोनगी ज्‍येनगी दोन्‍दु येशूराङ छ्ये ईन, थेराङ प्रभु ईन सिन सासीन थेमे परमेश्‍वरगी थेला स्‍यिसादुकीङ सोम्‍बो लोक्‍पाते बात पक्‍काराङ ईन सिन पत्ते खासीन पापकी सजाय भोगे खिता माफाबो।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

१ यूहन्‍ना 2:23

येशूला परमेश्‍वर फुज्‍युङ मेन सिन सिरकान्‍ते मित्ताङ आबा परमेश्‍वर ङ्योम्‍बु मेदेदो। थेला परमेश्‍वर फुज्‍युङ ईन सिरकान्‍ते मित्ताङकामा आबा परमेश्‍वर ङ्योम्‍बु देत्‍क्‍यो।

१ यूहन्‍ना 2:24

थोक ईन्‍देकी खेराङगी येशूला विश्‍वास खिता छोमुमेई थोबाते बात ङेन्‍गीन देता मातोङ। थेरू खि साबाच्‍योक खिनराङ देत्‍सीन ख्‍योकोनचेन परमेश्‍वर फुज्‍युङ थेमे आबा परमेश्‍वरताङ डिक्‍ला देता ङेत्‍क्‍यो।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

१ यूहन्‍ना 4:12

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

१ यूहन्‍ना 5:5

दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍कान्‍ते सु ईन्‍दे ओना? दोक खाला देता थुप्‍कान्‍ते मिचेन येशू परमेश्‍वर फुज्‍युङ ईन सिन पत्ते खित्‍कान्‍ते मिराङ ईन।

२ यूहन्‍ना 1:7

थेमे सत्‍यते बातताङ मिडिक्‍च्‍येते बात लाप्‍ला ज्‍येनला छक्‍के खित्‍कान्‍ते मिओन दि सा लुङबा खाङ ठाम्‍गीन सिन्‍दा ओत। थेबेकी येशू ख्रीष्‍ट दुरू मि जुनी लाकीन वाबाते मेन सिन सिओ। होथोक्‍ते मिचेन ज्‍येनला छक्‍के खित्‍कान्‍ते थेमे ख्रीष्‍टला विरोध खित्‍कान्‍ते मि ईन।