१ यूहन्‍ना 3:17 - जिरेल

¹⁷ दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 3:17 ပူးပေါင်းရင်းမြစ်များ

लूका 3:11

थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

याकूब 2:15

था सिइना, सुइँदा आज्‍यो न्‍वा कि आज्‍यी नुमुकी खोलाकोङ डिकस्‍यिकज्‍यीक खोन्‍ला दुक थेमे थेते खाम्‍बादु साच्‍येतेङ छ्याःङ मिन्‍दुक सासीन

याकूब 2:16

थेला गोच्‍येते छ्याःङ मेतेरा खाईन ख्‍योकोन सुइँदेकी “लो लेमु खाला ग्‍युक थेमे खाँपा गाल्‍ला सुबा खाङ सोला ठोम्‍मु खाला ङ्योल,” सालाकामा च्‍यि होथे मिला खइँदा लेमु ओङगो?

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।