मिकी फाङमा मिक्किच्येते कारण खुदुक खुदुक ओङगो। च्यि सासीन कोईचेन केजीनमेईराङ फेम्मे मित्ताङ ङ्योम्बु देता मुथुप्च्या ओङगीन केबेकी खित्सादु थेबा फाङमा मिक्किता खाला देत्क्यो। कोईलाचेन गोमा सरसौंदोराङ ओत्सीनोङ तिरीकामा ज्येन मिकी फेम्मे मित्ताङ ङ्योम्बु देता मुथुप्च्या जोबेकी होथोक्तेबेकीङ फाङमाराङ मिक्किओ। तर कोईचेन जुनी खाङ स्वर्गे राज्य कामकामा खिता थुप्स्यीत सिनोङ फाङमा मिक्किता खाला देत्च्येते ईन। फाङमा मिक्किता खाला देत्च्येते बात थोक मिक्किता खाला देता थुप्कान्तेबे लाईदुकामा ईन,” सिन सिदुक।
१ कोरिन्थी 7:35 - जिरेल35 ख्योकोनला लेमु ओङस्यीत सिनराङ ङा दि गाङे बात सिन ओत। ख्योकोनला दुक्पा तेरे लाईदु दि खि, थे खि सिन साबाते मेन। ख्योकोनगी ज्येनतोक्ते छ्याःङ विचार मिक्किता खाला प्रभु येशूला मन परे खित्च्येते काम खिता थुप्स्यीत सिन ङे दि बातओन साबाते ईन। အခန်းကိုကြည့်ပါ။ |
१ कोरिन्थी 7:35
14 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
लोक्ला कोई कोईकी परमेश्वर बातनी ङेन्ग्यो। ईन्सीनोङ साच्या थुङच्याताङ खोन्च्ये पीर, सम्पत्ति लोभ थेमे सुबा दुला दुला सेइन किम्मु खाला देता चालेकी खित्सादु थेबेकी थोबाते परमेश्वर बात दाक टोक ज्येत्ला छ्याःङ काम लै मिक्किओ। चाङगी बुटे नाङ फाप्कीन केबाते छ्याःङ मागोन्दाते सोन साबातेचेन होथोक्ते मिओनला साबाते ईन।
थोगी बात चुक सासीन आज्यो न्वावे, ख्योकोनगी लेमुते थेमे खिता ओङच्येते कामताङ बातकीतेकामा विचार खि। चुक सासीन ख्योकोनगी साँचोते बातकामा खित्च्येते, लेमुते कामताङ बातकामा खित्च्येते, अन्याय मिक्किच्येते, मेलेबाते कामताङ बात छ्याःङ मिक्किच्येते, लेमु लाङच्येते थेमे मि सेमला डोच्येते कामताङ बातकीतेकामा विचार खि।
रन्डीबाजी थेमे होदि च्योक्ते खिता मेङच्येते ङोचा लाङच्येते काम खित्कान्ते मिओन, मि छोङकान्तेबा, ढाँर खित्कान्तेबा थेमे मेन्दे बातलाङ ईन सिन ना केल्कान्ते मिओन लाईदुङ ईन। परमेश्वर नियमचेन होदोक दोक काम खित्कान्ते मिओन लाईदुकामा मेन। येशू ख्रीष्टला विश्वास खित्कान्ते मिओनगी ङेन्दा फाप्च्येते बातताङ डिकराङ मिडिक्च्येते कामताङ बात खित्कान्ते मिओन लाईदु जोबाते ईन।
ကြော်ငြာတွေ