१ कोरिन्‍थी 7:19 - जिरेल

¹⁹ जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

१ कोरिन्‍थी 7:19 ပူးပေါင်းရင်းမြစ်များ

मत्ती 5:19

थोगी ख्‍योकोन सुइँदेकी थे नियम नाङ दिनी माङेन्‍सीनोङ ओङगीतासीन सिराच्‍योक लाङच्‍येते नियमज्‍यीककामा माङेन्‍सीन थेमे ज्‍येनलाङ थे माङेन्‍सीन ओङगो सिन लाप्‍सीन थोक्‍ते मिला स्‍वर्गे राज्‍यदु छ्ये ईन सिन मिसिरो। थोक मिक्‍किता खाईन होथोक्‍ते नियमतेबाङ ङेन्‍गीन ज्‍येनलाङ ङेन सिन लोप्‍कान्‍ते मिलाचेन स्‍वर्गे राज्‍यदु छ्ये ईन सिन सिओ।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

१ कोरिन्‍थी 8:8

बात चुक ईन्‍दे सासीन साप थुङेकी ङुरूङला परमेश्‍वर दोन्‍दु लेमुङ ज्‍वा मुथुबो, मेलेबाङ ज्‍वा मुथुबो। पूजा खाबाते स्‍या सोला परमेश्‍वर दोन्‍दु पा फोक्‍च्‍येतेङ मेन, मासोला थे दोन्‍दु लेमु ओङच्‍येतेङ मेन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।