ङे बात ङेन्ला ङात्ताङ ख्याम्बे लाईदु खाम्बा कि आबा आमा कि आज्यो न्वा आज्यी नुमु कि फुज्युङ फुमु कि जग्गा जिमीन तोङकान्तेबाला परमेश्वरगी आबा आमा, आज्यो न्वा आज्यी नुमु, फुज्युङ फुमु च्योक्तेताङ खाम्बा थेमे जग्गा जिमीन ज्येनोङ झन काल्बेई तेरग्यो। थेमे थेबेकी नोमुङ मिसिन्च्येते जुनीङ ङेत्क्यो।
१ कोरिन्थी 6:9 - जिरेल9 ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा, အခန်းကိုကြည့်ပါ။ |
१ कोरिन्थी 6:9
51 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
मिओनगी परमेश्वरगी साबा साबा च्योकराङ खिता फाप्च्येते, दाक्पोन सेम काबूला ज्य्वाबा फाप्च्येते थेमे परमेश्वरगी मि गाङे न्याय खित्च्येते दिन ओङगो सिनोङ लाप्कीन बिन्सुङ। थेकी दि बातओन खित्जीन ज्यीबा लाबेकी फेलिक्सकी थेला “लो थरिङ दोस्यिकराङ ओङसुङ। ज्येन बात खिताला फुर्सत ङेत्नामेई ङा ङारो ना लोक्ला खोल्ला कातोङामीन,” सिन थेला थेरूकी ताङसुङ।
था दि चिट्ठीलाचेन ङा ख्योकोनला च्यि सिते सासीन सुइँदेकी ङाङ येशूला विश्वास खित्कान्ते मि ईन खिदुक तर रन्डीबाजी थेमे होदि च्योक्ते खिता मेङच्येते काम खित्च्येते, लोभ खित्च्येते, ल्हा लु माने खित्च्येते, ज्येनला मोत्च्येते, छ्याङ रक्सीकी जिलाकामा देत्च्येते थेमे ज्येनगीते लुटे खाला ख्याम्च्येते खिदुक सासीन थोक्ते मित्ताङचेन ख्योकोनगी साङ माकेत। थेत्ताङ ङ्योम्बुराङ देत्ला छ्यु मुठी खाङोङ माथुङ।
थोगी ङा ख्योकोनला च्यि सिते सासीन रन्डीबाजी थेमे होदि च्योक्ते खिता मेङच्येते काम सिराते ख्योकोनगी खितराङ माकेत। रन्डीबाजी थेमे होदि च्योक्ते खिता मेङच्येते काम खित्कान्ते मिकीचेन दाक्पोनलाराङ मेलेबा ओङ ज्युत्क्यो। ज्येनतोक पाप जे खासीनोङ पापनी पापराङ ईन। ईन्सीनोङ ज्येनतोक पापकी दाक्पोन जीउला मेलेबा ओङ मुज्युदो।
दि पालो ङा थेपा ओङजीन ख्योकोन थोरूमोङ होदोक दोकराङ खिन ओता थेप्सीन ङे माने खिन ओताते परमेश्वरगी ख्योकोनगी खित्सादु ङाला ङोचा लोङगीता सिन ज्यीबा लाबा ओत। दोस्यिककामा मेन, ख्योकोन नाङ गोमाबा रन्डीबाजी थेमे होदि च्योक्ते खिता मेङच्येते ज्येनोङ ङोचा लाङच्येते काम खित्कान्ते मिओनगी खोपरोङगी थोक खाबाते लेमु मेन्दाक्वा सिन थोक खिता ताङा मेत्सीन थोक्ते मिओन लाईदु ङे ङुइनकामा पीर खिता फाप्क्यो।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
ကြော်ငြာတွေ