१ कोरिन्थी 6:20 - जिरेल20 थेकी ख्योकोनला आउदी काल्बेई मोल च्याल्गीन ङ्योबाते ईन। थोगी ख्योकोनगी काम बात जे खासीनोङ परमेश्वरला मन परे खित्च्येतेकामा खि। दोक खाला थेला मान खि। အခန်းကိုကြည့်ပါ။ |
१ कोरिन्थी 6:20
14 ပူးပေါင်းရင်းမြစ်များ
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
थेमे था आज्यो न्वावे, परमेश्वरगी ङुरूङला थोक आउदी खाईन ङिङज्ये खाबा ओतेकी ङा ख्योकोनला दोक खि सिन सिओ। ओर्च्ये ख्योकोनगी खेराङ जीउ परमेश्वरतेराङ ईन सिन साला थेकी साबा साबा च्योकराङ खिओ सिन थेलाराङ सोम्पे खि। थेला मन परे खित्च्येते भोग बिन्दाच्योक ओङस्यीत सिन ख्योकोनगी होदोक खाला खेराङ जीउ थेला सोम्पे खि। थे खोरोङगी साबाच्योक खाला थेला माने खित्च्येतेङ होदोकराङ खाला ईन।
ख्योकोनगी लेमु खाला खोबा थुप्स्यीत सिन ङे दुरू मालिकताङ योक्पो बात खाबाते ईन। गोमा पापकी योक्पो च्योकराङ ओत्जीन ख्योकोनगी खिता ओङच्या मेङच्या जेसुकै ङोचा लाङच्येते काम थेमे परमेश्वरगी माकेत साबाते ज्येनोङ मेलेबा काम खिन ओतान। थेजीन ख्योकोन बोली, काम, बानी जेङ मेलेबा ओतान। गोमाबा होथोक्ते मेलेबा मेलेबा काम खाबा च्योकराङ थाचेन ख्योकोनगी परमेश्वरगी खि साबा साबा ङेन्ला थेकी खि साबाते खित्च्ये छ्य्वापाकामा स्येत खि। थोक खानामेई ख्योकोनते बोली, काम, बानी गाङे लेमु गाल्ला ख्योकोनगी परमेश्वरला मन परे खित्च्येते कामताङ बात खिओ।
तर ख्रीष्टकीचेन परमेश्वर नियमला तोके खाबाते परमेश्वरगी ङुरूङला सराप बिन्ला तेरच्येते सजाय थे खोरोङगीराङ भोगे खाईन स्यिइन ङुरूङला थे सजायदुकी टाल्सुङ। दोक खाईन ङुरूङ साटोला परमेश्वरगी थेला सराप बिन्गीन सजाय बिन्दाते ईन सिन परमेश्वर बातला “स्यिङगी थामला टाँए खाबाते मिचेन परमेश्वर सराप लै खाईन सजाय ङेत्कीन स्याप्ते ईन,” सिन टिबा ओत।
था याङराङ अड्डादु बयान लिन्जीन ङाला सेत्सीनोङ सोम्बोराङ ताङसीनोङ थातासाक खाबा च्योकराङ खाला हत्तेरिका ङे च्यिला थोक खाताका सिराच्योक लाङच्येते कामताङ बात छ्याःङ मिक्किओ सिन टुङ्गो खाबा ओत। दोक खाला ङाराङला जस्तो ओङसीनोङ सुङताङ ज्यीबा मिक्किता खाला ख्रीष्टते जय जय ओङच्येते कामकामा खिता थुप्स्यीत सिन ङे आश खाबा ओत।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
गोमा इस्राएलीओन नाङ परमेश्वर बात खित्कान्ते मि ईन सिन मेन्दे बात लोप्कान्ते मिओन ओता च्योकराङ ख्योकोन नाङचेन परमेश्वर बात लोप्कान्ते मि ईन सिन मेन्दे बात लोप्कान्ते मिओन ओङगो। थेबेकी ख्योकोनला ङ्ये ज्युताला परमेश्वर बातताङ डिकराङ मिडिक्च्येते बात लोप्क्यो। थेबेकीनी खोपरोङ पापकी मोल च्याल्ला खोपरोङला पापदुकी डेल्कान्ते छ्येज्यीक शक्ति ओताते प्रभु येशूला मानेराङ मिक्किओ। दोक दोक खानामेई थेबे गोःनामा परमेश्वर सजाय फाप्क्यो।
ကြော်ငြာတွေ