१ कोरिन्थी 6:15 - जिरेल15 ख्रीष्टकी जीउकी लाक्पा, काम्बा, मिक च्योक्तेबाचेन ख्योकोनराङ ईन सिन च्यि ख्योकोनला छ्या मेत? थोगी च्यि ङुरूङ गाल्ला रन्डीताङ ङ्याला ओङगो? थोक्ते काम नोमुङ खिता मेङगो। အခန်းကိုကြည့်ပါ။ |
१ कोरिन्थी 6:15
25 ပူးပေါင်းရင်းမြစ်များ
परमेश्वर नियम दोक लेमु ईन्गीन ईन्गीनोङ ङा थेरू तोके खाबाते सजाय भोगे खिन स्या फाप्च्या ओङाते थे नियमगी खित्सादु मेन। दोक माकेत, थोक माकेत सिरच्येते नियम लेमु ईन्सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्ला स्या फाप्च्या ओङाते ईन। पापकी खित्सादु दोक ओङेकी दि पाप सिराते चुक मेलेबा ईन्दे थेमे दिकी खित्सादु मिला चुक मेलेबा ओङच्या ईन्दाका सिन ङुरूङगी लेमु खाला छ्या स्येकीदुक।
ङे दि बात सिरजीन थोक ईन्सीनका परमेश्वर नियमराङ मेलेबा दुका ओना सिरच्येते बात थेन्ग्यो। तर थे नियमनी मेलेबा ईनराङ मेन। परमेश्वरगी थे खोरोङ नियम माबिन्दा ईन्सीन पाप सिराते च्यि ईन्दे सिन ङे छ्याःङ छ्या स्येच्या मेतान। चुक खाला सासीन परमेश्वर नियमला “ज्येनगीते सिराते छ्याःङगीतेङ लोभ माकेत,” साबा मेता ईन्सीन ङाराङगी लोभ खिन ओत सिन ङे छ्याराङ स्येच्या मेतान।
ख्योकोनगी “मिला साप थुङा गोक्यो, साप थुङा मेताला मि चुक खाला सोन्गीते?” सिरा ठीकराङ ईन। तर ङीमाई परमेश्वरगी मि जीउ साप थुङा मोगोच्या खुदुक जोइओ। बात च्यि सासीन परमेश्वरगी ङुरूङला दि जीउ बिन्दाते रन्डीबाजी थेमे होदि च्योक्ते खिता मेङच्येते काम खिताला मेन, प्रभु येशूला मन परे खित्च्येते काम खिताला ईन। ङुरूङला गोच्येते तेरकान्ते प्रभु येशूराङ ईन।
दोक ईन्सीन च्यि थे नियमचेन परमेश्वरगी आशी तेरग्यो सिन खाबाते जमान बातताङ बान्दा मिडिक्च्येते ईन ओना? मेन मेन, दोक पक्काराङ मेन। मिओनगी नोमुङ मिसिन्च्येते जुनी ङेत्स्यीत सिन परमेश्वरगी थे नियम बिन्दा मेतान। थोक ईन्दा ईन्सीन थे नियमला खि साबाते ङेन्कान्तेबाला थेकी दोषी मेन सिरच्या ओतान।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
ကြော်ငြာတွေ