१ कोरिन्थी 4:14 - जिरेल14 ङे थाल्लासाक टिबाते दि गाङे बात ख्योकोनला ङोचा लोङाप सिन मेन्देकी लेमुते बात च्यि ईन्दे सिन लोप्स्यीत सिन टिबाते ईन। ख्योकोन ङाराङ फिजा च्योकराङ ईन। ङा ख्योकोनला ङिङज्ये खिओ। အခန်းကိုကြည့်ပါ။ |
१ कोरिन्थी 4:14
19 ပူးပေါင်းရင်းမြစ်များ
ङे खाबा च्योकराङ खित्च्येते ख्योकोनला लाप्ला तेरस्यीत सिनराङ तिमोथीला ङा ख्योकोन ओत्सापा तोङगीन ओत। दि प्रभु येशूकी खि साबा च्योकराङ खाला काम खित्कान्ते मि ईन। दिला ङा ङिङज्ये खिओ। दि ङेते ङाराङ फुज्युङ च्योकराङ ईन। ङा येशू ख्रीष्टताङ जीउज्यीकराङ ओङाते मि ईन्देकी ङे चुक खिका, च्यि खिका सिरच्येते गाङे बात था दिकी ख्योकोनला लोप्क्यो। ङे तिमोथीला ख्योकोनला लोप ताङाते बातराङ ङा गाङेपा ठाउँ ठाउँला जम्मा ओङकान्ते येशू ख्रीष्ट मि गाङेला लोप्कीन ओत।
दोक खाला ङेते नाङ सिरच्येते अधिकार ओत्सीनोङ ङे थोरूमसाक सुङताङ छ्याःङ लाबा मेत। ङाराङला गोच्येते ख्योकोनताङ नाङ सिराप सिनोङ ङे दि बात टिबाते मेन। ख्योकोनताङ खइँदा लाला गा लाङच्येते बात लोपा भन्दानी बरू ङाला स्याप्ते लेमु लाङगीदुक। च्यिला सासीन सुङताङ छ्याःङज्यीक खाङज्यीक मिलिन्दा खाला दि काम खित्जीनराङ ङाला आउदी गा लाङगीदुक, दि बातलाचेन ङा छ्येराङ खिओ।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो।
थेमे आज्यो न्वावे, ख्योकोनगी खेराङ नाङ दाक्पोन लाःक खिता ताङला अल्छी खाला देत्कानला थोक माकेत, काम खिता फाप्क्यो सिन सि, ज्यीबा खित्कानला ज्यीबा खिता माफाबो सिन सि, प्रभु येशूला विश्वास खाईन पाको गाला मेतातेबाला पाको ड्वाप्ला मद्धत बिन। थेमे स्येदाङ मिक्किता खाला गाङेताङ खा छ्येत लेमु खाला काम खि।
ကြော်ငြာတွေ