१ कोरिन्थी 3:13 - जिरेल13 थेमे खाम्बा जोकान्ते मिओनगी सु सुकी चुक खाईन जोबा ओता ईन्दाका सिन ङीमाई गाङे छ्या स्येक्यो। येशू ख्रीष्ट ग्युरला वाला मि गाङे न्याय खिते छोमु सु सुकी चुक खाबा ओता ईन्दाका सिन डेल्ग्यो। सु मि काम चुक दुका सिन थे छोमु मे नाङ लुक्ला तेइओ। အခန်းကိုကြည့်ပါ။ |
१ कोरिन्थी 3:13
28 ပူးပေါင်းရင်းမြစ်များ
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
मेला लुगीन ताकीन सक्कली दुका सिन छ्या स्येबाते सेरोङ ङीमाई छ्याःङ काम लै मिक्किच्या डुइओ। सेर आउदी दामी चीज ईन्सीनोङ दि भन्दाङ ख्योकोनगी येशू ख्रीष्टला खिन ओताते विश्वास झन आउदी छ्ये ईन। दोक्ते परी परीतेन्दे दुक्पा ओङजीनराङ ख्योकोनगी थेला पक्काराङ खाईन विश्वास खाबाते ईन्दाकाना मेन्दाका सिन छ्या स्येक्यो। जति दुक्पा ओङजीनोङ सेम मेसेता खाईन थेला विश्वास खिनराङ देत्सीन था थे ग्युरला ओङे छोमु परमेश्वरगी ख्योकोनला आउदी लेमु खासुङ सिन साला थे खोरोङगी ज्वा चाला च्योकराङ लेमु जोला मान तेरग्यो।
चोर दि छोमुराङ ओङगो सिन सुङलाङ छ्या मेता च्योकराङ प्रभु येशू दि छोमु ग्युरला ओङगो सिनोङ सुङगीङ सिरा मुथुबो। थे ग्युरला ओङे छोमु नामचेन नामज्योक बु साच्याज्यीक ङोरो देन्गीन तोक तोरला डुइओ। दागार, ङीमाताङ कार्मातेबाङ मेकी छिक्ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।
थेमे ङे छ्ये टेक्टे स्याप्ते मिबरी गाङेला थे सिंहासन दोन्दु लाकीन देता ओताते थोङसुङ। थेरू किताबओन खोले खासुङ। थे तिरी ज्येनज्यीक किताब खोले खासुङ। दि तिरी किताबचेन नोमुङ मिसिन्च्येते जुनी ङेत्कान्ते मिओन मिन टिबाते किताब ओतान। मिओनगी खोपरोङ जुनी खाङ खाबाते लेमु मेलेबा गाङे काम थे किताबओनला टिबा ओतान। थेबेकी खाबाते काम ताकीनराङ थेबा गाङेते न्याय खासुङ।
ကြော်ငြာတွေ