१ कोरिन्‍थी 16:22 - जिरेल

²² सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

१ कोरिन्‍थी 16:22 ပူးပေါင်းရင်းမြစ်များ

मत्ती 10:37

थेमे ङाला भन्‍दाङ काल्‍बा आबा आमाला ङिङज्‍ये खित्‍कान्‍ते मिचेन ङे चेला ओङा मुथुबो। थोकराङ खाला दाक्‍पोन फुज्‍युङ फुमुलाका काल्‍बा ङिङज्‍ये खित्‍कान्‍ते मिलाङ ङे चेला ईन सिरा सोई मिक्‍किओ।

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 14:21

जसकी ङे खि सिन कोताते ङेन्‍ला खि साबाच्‍योक खिदुक, ङाला ङिङज्‍ये खित्‍कान्‍ते मि थेराङ ईन। ङाला ङिङज्‍ये खित्‍कान्‍ते मिलाचेन आबेकीङ ङिङज्‍ये खिओ। थोकराङ खाला ङाङ थेला ङिङज्‍ये खिओ थेमे ङा चुक छ्ये ईन्‍दे सिन थेला झन लेमु खाला छ्या स्‍ये ज्‍युत्‍क्‍यो,” सिन बात खासुङ।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 16:14

ङे लोप साबाते बातकामा ख्‍योकोनला लोप्‍च्‍येते ईन्‍देकी परमेश्‍वर आत्‍मेकी ङाला मान खिओ।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

शक्ति काम 23:14

ठो खाईन सिन्‍नामेई थेबेकी छ्ये छ्ये पूजारी थेमे यहूदीओनते ज्‍येनोङ छ्ये छ्ये मि ओत्‍सादु गाल्‍गीन “हजूरवे, पावलला मासेतथुप छ्यु समेदोङ खाला मुलुओ सिन ङ्योकोनबरीकी ना क्‍याला ओत।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

फिलिप्‍पी 4:5

ख्‍योकोन मि गाङेताङ खा छ्येत लेमु खित्‍कान्‍ते मि ईन सिन गाङेकी छ्या स्‍येस्‍यीत। प्रभु येशू ग्‍युरला ओङच्‍ये बेला लेपा खासुङ सिन टोक माज्‍येत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

१ पत्रुस 2:7

थोगी थे दो साबाते येशू ख्रीष्‍टला विश्‍वास खित्‍कान्‍तेबा ख्‍योकोन लाईदु थे आउदी काम लै खित्‍च्‍येते दो ईन। ईन्‍सीनोङ थेला विश्‍वास मिक्‍किकान्‍तेबे लाईदु थे चुक्‍ते ईन्‍दे सिन परमेश्‍वर बातला “जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,” सिन टिला दुक।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।