१ कोरिन्‍थी 15:57 - जिरेल

⁵⁷ था ङुरूङ परमेश्‍वरला धन्‍यवाद सिइ। थेकी ङुरूङ प्रभु येशू ख्रीष्‍टकी खाबाते कामगी खित्‍सादु ङुरूङला जेसुकैला ग्‍याला थुप्‍च्‍येते शक्ति तेरग्‍यो।

१ कोरिन्‍थी 15:57 ပူးပေါင်းရင်းမြစ်များ

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 27:35

थोक सानामेकी थेकी लाःक्‍तु स्‍योबेन लाकीन थेबा गाङे ङोन्‍दु परमेश्‍वरला धन्‍यवाद बिन्‍गीन स्‍योबेन च्‍यागीन साप्‍ला स्‍यूसुङ।

रोमी 7:25

ङाला थोक खाला तेरकान्‍ते परमेश्‍वरराङ ईन। ङुरूङ प्रभु येशू छ्य्‌वापेई ङा थेला जय जय साला धन्‍यवाद सिओ। ङे ङाराङगी खिता थुप्‍च्‍येते कामकामा तासीन ङेते छ्याःङ आश मेत। ङे खिता थुप्‍च्‍येते कामनी खालि परमेश्‍वर नियमला साबा च्‍योकराङ खिता सेम खाला थोक खिता छोल्‍च्‍येतेकामा ईन। ङाराङ परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे पापकामा खिता फाप्‍कीदुक।

रोमी 8:37

तर दाक्‍पोनला जे ओङसीनोङ येशू ख्रीष्‍टकी ङुरूङला ङिङज्‍ये खाबा ओतेकी सुङगीङ थेमे दोक्‍ते दुक्‍पा छ्याःङगीङ ङुरूङला ग्‍याला मुथुबो सिन ङुरूङ सेम मेसेता खाला ढुक्‍कराङ खाला देत्‍क्‍यो।

१ कोरिन्‍थी 15:51

लो ङेन, ङा ख्‍योकोनला परमेश्‍वरगी गोमा छ्या स्‍ये च्‍युता मेताते अचम्‍बते बातज्‍यीक लाःप्‍क्‍यो। च्‍यि सासीन ङुरूङ गाङेराङ मिस्‍यिओ। बरू मास्‍यिबालाराङ परमेश्‍वरगी था तिरी ङुरूङला रकस्‍यिकला खुदुक जोइओ।

२ कोरिन्‍थी 1:11

ख्‍योकोनगी ङ्योकोन लाईदु प्रार्थना खिनराङ देत। थोक खासीन मि काल्‍बेईकी खाबाते प्रार्थना ङेन्‍गीन परमेश्‍वरगी ङ्योकोनला थोक खाईन जोए खाबाते बात छ्या स्‍येला झन मि काल्‍बेईकी परमेश्‍वरला धन्‍यवाद तेरग्‍यो।

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

२ कोरिन्‍थी 9:15

सुङगीङ खिता मुथुप्‍च्‍येते काम खाईन ङुरूङला लेमु खाबे लाईदु परमेश्‍वरला ङुरूङ धन्‍यवाद सिइ।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।