१ कोरिन्‍थी 15:54 - जिरेल

⁵⁴ होदोक खुदुक ओङगीन सिन्‍नामेईचेन परमेश्‍वर बातला “था कालगी सुङलाङ छ्याःङ खिता मुथुप्‍च्‍या खाईन परमेश्‍वरगी कालला पूरो खाईन ग्‍याला ओत,” सिन टिबा ओताते बात साबा च्‍योकराङ ओङगो।

१ कोरिन्‍थी 15:54 ပူးပေါင်းရင်းမြစ်များ

लूका 20:36

थेरू स्‍यिच्‍येते बादोङ छ्याःङ मेङगो। थेबा गाङे परमेश्‍वर दूत च्‍योकराङ ओङला देत्‍क्‍यो। परमेश्‍वरगी थेबाला स्‍यिसादुई सोम्‍बो लोक्‍च्‍येते ईन्‍देकी थेकी थेबाला थे खोरोङ फुज्‍युङ फुमु ईन सिन सिओ।

रोमी 1:23

थोक ओङगीन थेबेकी चुक खिताला स्‍यूसुङा सासीन सधैँभरि सोन्‍ला देत्‍कान्‍ते छ्येज्‍यीक शक्ति ओताते परमेश्‍वरला माने खिते साटोला पालोई स्‍यिला डोच्‍येते मि, छ्योज्‍युङमा, पशुताङ रूलगी मूर्ति जोकीन ल्‍हा सिन माने खिताला स्‍यूसुङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 6:12

थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

२ कोरिन्‍थी 4:11

ङीमाई स्‍यिला डोच्‍येते दि जुनीला दोक दुक्‍पा ओङसीनोङ येशू मि ईन्‍देकी दोक खाला नाम स्‍यिइताना सिराच्‍योक खाला देत्‍जीनोङ ङ्योकोन थोरूमसाक सोन्‍गीन देता ओता थोङला येशू सोम्‍बो लोगीन ङेताते जुनी ङ्योकोनगीङ ङेता ओताक्‍वा सिन मिओनगी छ्या स्‍येक्‍यो।

२ कोरिन्‍थी 5:4

थरिङोले दि जीउकी साटोला थे जीउ नामराङ ङेदोङा सिराच्‍योक खाईन रकस्‍यिकोङ सेम ढुक्‍क मिक्‍किता खाईन ङुरूङ गुकीन देता ओत। दोक खाबाते था नाम स्‍यिरोङा सिन साबाते मेन, बरू नोमुङ स्‍यिला रूल्‍ला मोन्‍डोच्‍येते जीउ होत्ता ङेत्‍सीन ओङच्‍या ओतान सिन ईन। स्‍यिला रूल्‍ला डोच्‍येते दि जीउकी साटोला होथे जीउ ङेत्‍ला नोमुङ मिसिन्‍च्‍येते जुनी ङेत्‍स्‍यीत सिन ईन।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।