42 स्याप्ते मिओन सोम्बो लोक्च्येते बादोङ दोकराङ ईन। चुक सासीन मि स्यिइन दिनामेकी थे रो रूल्ग्यो। तर था तिरीचेन नोमुङ मिस्यिच्येते, मुरूल्च्येते जीउ ङेत्ला सोम्बो लोइओ।
थेमे परमेश्वरगी साबा साबा च्योकराङ खित्कान्ते मिओनचेन स्याराते ङीमा च्योकराङ ओङला आबा परमेश्वर राज्यदुराङ देता ङेत्क्यो। ङेन्दा सेम ओत्कान्ते मिकी दि बातओन लेमु खाला ङेन।
च्यिला सासीन प्रभु खोरोङगी छाने खाबातेला खुई सबी चावादु मोज्योओ। ङे सेमला पाप सिराते छ्याःङ मेतेकी खुई ङाला से चावादु रूल मुज्युदो।
परमेश्वर बात खित्कान्ते मि ईन्देकी थेकी परमेश्वरगी तोङगो साबाते ख्रीष्ट स्यिसादुकी दाक सोम्बो लोइओ सिनोङ गोमाका छ्या स्येकीन परमेश्वरगी थेला स्यिनामेकी सबी चावादुराङ मोज्योओ, से चावादु रूलोङ मुज्युदो सिन ख्रीष्टला ओङच्येते बात साबा ओतान।
थोक ओङगीन थेबेकी चुक खिताला स्यूसुङा सासीन सधैँभरि सोन्ला देत्कान्ते छ्येज्यीक शक्ति ओताते परमेश्वरला माने खिते साटोला पालोई स्यिला डोच्येते मि, छ्योज्युङमा, पशुताङ रूलगी मूर्ति जोकीन ल्हा सिन माने खिताला स्यूसुङ।
था तिरी परमेश्वरगी खोपरोङला थेकी ज्वा चाला च्योकराङ लेमु जोइओ थेमे मान बिन्ला नोमुङ मिस्यिच्येते जुनी तेरग्यो सिन थेकी साबाते ङेन्ला लेमु कामकामा खिन देत्कान्ते मिओनलाचेन थेकी नोमुङ मिसिन्च्येते जुनी तेरग्यो।
चुक सासीन थे छोमु परमेश्वरगी थे खोरोङ फुज्युङ फुमुला पीरताङ दुक्पा थेमे स्यिच्येते कालदुकी टाल्ला थे खोरोङगी ज्वा चाला च्योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्ग्यो। थेमे थेरू स्यिच्येते, नाश डोच्येते सिराते छ्याःङ मेङगो।
च्यि सासीन दागार भन्दा ङीमा खुदुकराङ खाला टल्के खिओ। थोकराङ खाला दागारोङ कार्मा भन्दा खुदुकज्यीकराङ खाला टल्के खिओ। थेमे कार्माओनोङ कोई टिक्पी टिक्पी कोई आउदी खाला टल्के खिओ।
होदोकराङ खाला दाक्पोन खुशीला ख्याम्गीनराङ देत्कान्ते मिचेन थोक खाबेकी खित्सादु ङ्येला स्यिला नरककुण्डमा डुइओ। परमेश्वर आत्मेकी खित ज्युता च्योकराङ खित्कान्ते मिकीचेन नोमुङ मिसिन्च्येते जुनी ङेत्क्यो।
थेकी थे खोरोङ मिओनला स्वर्गने तेरग्यो सिन साबाते ङेत्क्यो सिन ङुरूङ गुकीन देता ओत। थेने ङुरूङगी ङेत्च्येते नोमुङ नाश मोन्डोओ, सिन्ला तोरलाङ मोन्डोओ।