१ कोरिन्थी 15:4 - जिरेल4 स्यिनामेकी थेला दिबाङ ओतान थेमे ङीमा सुमगी छोमु परमेश्वरगी थेला सोम्बो लोक्पा ओतान। थोक ओङगो सिनोङ परमेश्वर बातला गोमाका टिबा ओतान। အခန်းကိုကြည့်ပါ။ |
१ कोरिन्थी 15:4
35 ပူးပေါင်းရင်းမြစ်များ
थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्क्यो। थेपा गाल्नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्पा तेरग्यो। थेमे सेदोङ ज्युत्क्यो। तर सेताते ङीमा सुमगी छोमु परमेश्वरगी ङाला सोम्बो लोइओ,” सिन थे खोरोङला च्यि ओङगीते, चुक ओङगीते सिन लाःपाला स्यूसुङ।
थे खोरोङगी भोगे खिता फाप्च्येते दुक्पातेबा भोगे खाईन स्यिइन सिन्नामेई थे खोरोङ साँच्चीराङ सोम्बो लोक्पाते दुका सिन थे खोरोङगी खटे खाबाते मिओनगी लेमु खाला छ्या स्येस्यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्जीन थेकी थेबाला परमेश्वर राज्य बादोङ लाप्कीन बिन्सुङ।
च्यिला सासीन थेकी ङीमा लेनज्यीक सुङलाङ काका पाका मिक्किता खाला मि गाङेते न्याय खिओ। थे छोमु सु सुला चुक चुक खिता फाप्कीका सिरच्येते टुङ्गोचेन थेकी छाने खाबाते मिज्यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्येस्यीत सिन थेकी थेला स्यिसादुकी सोम्बो लोक्पा ओत,” सिन बात खासुङ।
थोक खाला बप्तिस्मा तेरजीन ङुरूङ थेत्ताङराङ स्यिइन दिबाते ईन। आबा परमेश्वरगी थे खोरोङ छ्येज्यीक शक्तिकी ख्रीष्टला स्यिसादुकी सोम्बो लोक्पा ओत। था ङुरूङगी गोमाबा खाबाच्योक पाप मिक्किता खाला थे खोरोङगी खि साबा च्योकराङ खिता थुप्स्यीत सिन परमेश्वरगी ख्रीष्टला बिन्दा च्योक्ते साम्बाते जुनी ङुरूङलाङ बिन्दा ओत।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
थेबे सेमगी नाङ ओताते ख्रीष्टकी आत्मेकी ख्रीष्टकी देमा वाला दुक्पा भोगे खाला स्या फाप्च्येते थेमे थे दुक्पा भोगे खाईन सिन्नामेई परमेश्वरगी थेला छ्येज्यीक मान तेरच्येते बात थेबाला छ्या स्ये च्युत्नामेई था च्यि बेलाला चुक चुक ओङजीन परमेश्वरगी थोक खिताका सिन थेबेकी छ्या स्येबा चाला ओतान।
ကြော်ငြာတွေ