१ कोरिन्‍थी 15:34 - जिरेल

³⁴ थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

१ कोरिन्‍थी 15:34 ပူးပေါင်းရင်းမြစ်များ

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

यूहन्‍ना 5:14

टिक्‍पी तिरी येशूकी थेला याङराङ परमेश्‍वर मन्‍दिरदु ठेत्‍कीन “थोङसुङ खो चुक लेमु खाईन ठाक्‍सुङा? थाचेन लोक्‍ला थोङला च्‍योक मेलेबा काम माकेत। याङराङ थोक खासीन खोल्‍ला झन मेलेबा ओङगो,” सिन सिदुक।

यूहन्‍ना 8:11

थेमे थे फेम्‍मे मिकी “उँ ङाला सुङगीङ छ्याःङ माक्‍यासुङ प्रभु,” सिन सिदुक। थेमे थेकी “ङाङ खोल्‍ला छ्याःङ मिक्‍किओ। था खो दुरूकी ग्‍युक। थेमे थानामेकी दोक्‍ते मेलेबा काम माकेत,” सिन सिदुक।

शक्ति काम 26:8

परमेश्‍वरगी स्‍याप्‍ते मिला सोम्‍बो लोक्‍पा ओत सिरजीनचेन ख्‍योकोन यहूदीओन च्‍यिला सुङ पत्ते मिक्‍किते? ङालानी अचम्‍ब लाङगीदुक।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 13:11

थेमे ज्‍येनोङ बात च्‍यि सासीन था गोमा च्‍योकराङ मेन सिन ख्‍योकोनगी विचार खि। काम खिता फाप्‍च्‍या ओत सिन ङिक गाल्‍सादुकी ङिक छेत्‍ला लाङाच्‍योक खाला था ख्‍योकोनगी झन लेमु खाला काम खि। च्‍यिला सासीन ङुरूङगी गोमा येशू ख्रीष्‍टला विश्‍वास खिताला स्‍यूक्‍पे बेलाला परमेश्‍वरगी ङुरूङला पूरो खाला पापदुकी टाल्‍ला स्‍वर्गने देताला खेरच्‍येते समय आदोराङ बाँकी ओतान। थेकी थोक खित्‍च्‍येते समय था काल्‍बा बाँकी मेत।

१ कोरिन्‍थी 4:14

ङे थाल्‍लासाक टिबाते दि गाङे बात ख्‍योकोनला ङोचा लोङाप सिन मेन्‍देकी लेमुते बात च्‍यि ईन्‍दे सिन लोप्‍स्‍यीत सिन टिबाते ईन। ख्‍योकोन ङाराङ फिजा च्‍योकराङ ईन। ङा ख्‍योकोनला ङिङज्‍ये खिओ।

१ कोरिन्‍थी 6:5

ख्‍योकोनला ङोचा लोङालाराङ ङे दि बात टिबाप। आज्‍यो न्‍वा खेराङ नाङ खइँदा मिडिक्‍च्‍येते बात ओङजीन दि डिक्‍पा खिता थुप्‍कान च्‍यि ख्‍योकोन नाङ सुङ मेत?

१ कोरिन्‍थी 8:7

जे ईन्‍सीनोङ दि ल्‍हा लु सिराते छ्याःङ मेन सिन ङुरूङ नाङ गाङेकी लेमु खाईन छ्या स्‍येबा मेत। गोमाबा ल्‍हा लु माने खिन ओतेकी थेमे ल्‍हाला पूजा खाबाते सेइन ओतेकी ल्‍हाला पूजा खाबाते सोसीन थरिङोलाङ कोई कोईकी हत्तेरिका ङे थे पूजा खाबाते सा ओङच्‍या मेतान, था ङाला पा फोइओ सिन सिओ। हत्तेरिका ङे दोक्‍ते स्‍या सा ओङच्‍या मेतान सिराच्‍योक खिओ।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

१ थिस्‍सलोनिकी 4:5

परमेश्‍वरला छ्या मास्‍येबाते मिओनगी खोपरोङ सेम थामे खिता माथुप्‍ला फेम्‍मेतेबाला चुक खिता सेम लाङगीका थोकराङ खिओ। ख्‍योकोनगीचेन थेबेकी च्‍योक माकेत।