१ कोरिन्‍थी 15:27 - जिरेल

²⁷ च्‍यिला सासीन परमेश्‍वर बातला “परमेश्‍वरगी ओताते जति गाङेला थे तिङबे ओक्‍तु ज्‍याक्‍ला तेरग्‍यो,” सिन टिबा ओत। ओताते जति गाङेला थे तिङबे ओक्‍तु ज्‍याक्‍ला तेरग्‍यो साबाते परमेश्‍वर खोरोङोङ थे तिङबे ओक्‍तु ओङगो साबाते मेन। दोक साबातेनी गाङेला ख्रीष्‍टकी तिङबे ओक्‍तु ज्‍याक्‍ला तेरकान्‍तेचेन परमेश्‍वर ईन साबाते ईन।

१ कोरिन्‍थी 15:27 ပူးပေါင်းရင်းမြစ်များ

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 3:35

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।

एफिसी 1:20

ख्रीष्‍टला स्‍यिसादुकी सोम्‍बो लोगीन स्‍वर्गने थे खोरोङ सामे छ्य्‌वापा ज्‍याक्‍पा ओत।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

हिब्रू 1:13

थे खोरोङ दूतओन नाङ परमेश्‍वरगी सुङलाङ नोमुङ “ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,” सिन साबा मेत।

हिब्रू 10:12

तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 2:8

जो ईन्‍सीनोङ, जे ईन्‍सीनोङ गाङेला खुई थे अधीनलाराङ ज्‍याक्‍पा ओत,” सिन साला दुक। थे अधीनला मेताते सिराते छ्याःङ बाँकी मोज्‍योबा खाईन परमेश्‍वरगी ओताते जति गाङे थे अधीनलाराङ ज्‍याक्‍पा ओत। ईन्‍सीनोङ थोरूमसाक गाङे थे अधीनला ओङगीन सिन्‍दाते ङुरूङगी थोङा ङेता मेत।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।