१ कोरिन्‍थी 15:26 - जिरेल

²⁶ थेकी गाङे भन्‍दा तिरी ग्‍याला फाप्‍च्‍येतेचेन स्‍यिच्‍येते काललाराङ ईन।

१ कोरिन्‍थी 15:26 ပူးပေါင်းရင်းမြစ်များ

लूका 20:36

थेरू स्‍यिच्‍येते बादोङ छ्याःङ मेङगो। थेबा गाङे परमेश्‍वर दूत च्‍योकराङ ओङला देत्‍क्‍यो। परमेश्‍वरगी थेबाला स्‍यिसादुई सोम्‍बो लोक्‍च्‍येते ईन्‍देकी थेकी थेबाला थे खोरोङ फुज्‍युङ फुमु ईन सिन सिओ।

१ कोरिन्‍थी 15:55

“था कालगी सुला च्‍यि खिता थुप्‍कीतेरो? च्‍यि था कालगी खइँदा खिता थुप्‍क्‍योतरो?”

२ तिमोथी 1:10

ङुरूङला पापदुकी डेल्‍कान्‍ते येशू ख्रीष्‍ट देमा वाबेकी थे खोरोङगी ङुरूङला दया खिओ सिन साबाते बात परमेश्‍वरगी छ्या स्‍ये च्‍युत्‍सुङ। थेमे येशू ख्रीष्‍टकी दुरू वाकीन स्‍यिच्‍येते कालला ग्‍यालेकी थेकी मिओनला नोमुङ मिसिन्‍च्‍येते जुनी तेरग्‍यो थेमे थोक्‍ते मि नोमुङ मिस्‍यिओ। दि बातचेन गा लाङच्‍येते बातलाराङ साबा ओत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

छ्या स्‍ये च्‍युताते बात 20:13

समुन्‍द्रे नाङ नुप्‍कीन स्‍याप्‍ते मि गाङे थेजीन थेरू ओतान। थेमे स्‍याप्‍तेबा ज्‍येनलाङ कालगी किल्‍गीन ज्‍य्‌वाबा माथुप्‍सुङ। थोकराङ खाईन स्‍याप्‍ते मिओन देत्‍च्‍येते ठाउँदु ओताते मितेबाङ गाङे थेरू वाबा ओतान। थोक ओङनामेई खोपरोङ खोपरोङगी खाबाते काम ताकीन थे मिओन न्‍याय ओङा ओतान।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।