१ कोरिन्‍थी 15:23 - जिरेल

²³ थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।

१ कोरिन्‍थी 15:23 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

शक्ति काम 26:23

थेबेकीचेन ख्रीष्‍टकी विषयला बात खिन ख्रीष्‍टकी दुरू वाला आउदी दुक्‍पा भोगे खिता फाप्‍क्‍यो थेमे स्‍याङ फाप्‍क्‍यो। थेमे स्‍याप्‍तेबा गाङे नाङ थे गोमा सोम्‍बो लोक्‍ला था परमेश्‍वरगी मिओनला पापताङ दुक्‍पादुकी डेल्‍ग्‍यो सिन खोपरोङ यहूदी थेमे ज्‍येन ज्‍येन जातकी मि गाङेला छ्या स्‍ये ज्‍युत्‍क्‍यो सिन साबा ओतान,” सिन सिदुक।

१ कोरिन्‍थी 15:20

तर ख्रीष्‍टला परमेश्‍वरगी सोम्‍बो लोक्‍पाते बात पक्‍काराङ ईन। स्‍याप्‍ते मिओन नाङ गाङे भन्‍दा गोमा सोम्‍बो लोक्‍कान्‍ते थेराङ ईन।

१ कोरिन्‍थी 15:52

थेजीन गाङे भन्‍दा तिरी फुबाते बिकुल ङोरो थोबासात्तु, छिनज्‍यीकला मिक छुम खाईन सिन मासिन्‍लाराङ परमेश्‍वरगी ङुरूङला खुदुक जोइओ। थे बिकुल फुबाते ङोरो थोबासात्तु परमेश्‍वरगी स्‍याप्‍ते मि गाङेला नोमुङ स्‍यिला रूल्‍ला मोन्‍डोच्‍या खाला सोम्‍बो लोइओ। थेमे ङुरूङ सोम्‍बोराङ ओतातेबालाङ थेकी खुदुक जोइओ।

१ कोरिन्‍थी 3:23

थेमे ख्‍योकोन ख्रीष्‍टकी मि ईन। थोकराङ खाला ख्रीष्‍टचेन परमेश्‍वरते ईन।

१ कोरिन्‍थी 6:14

परमेश्‍वरगी थे खोरोङ शक्तिकी प्रभु येशूला स्‍यिसादुकी सोम्‍बो लोक्‍सुङ। था थेकी थे खोरोङ होथे शक्तिकी ङुरूङलाङ सोम्‍बो लोइओ।

२ कोरिन्‍थी 10:7

ख्‍योकोनचेन खालि मि चुकस्‍यिक दुका थेकामा तेइदुक। थे सेमगी नाङ चुक ओताना सिरच्‍येते बात छ्याःङ विचार मिक्‍किदुक। सुइँदेकी ङानी ख्रीष्‍टकी मि ईन खिदुक सासीन थेकी ङ्योकोनोङ होथोक्‍ते मिराङ ईन सिन लेमु खाला खोबा फाप्‍क्‍यो।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

फिलिप्‍पी 3:11

था परमेश्‍वरगी स्‍याप्‍ते मिओनला सोम्‍बो लोक्‍जीन ङालाङ सोम्‍बो लोइओ सिनोङ ङेते विश्‍वास ओत।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।