१ कोरिन्थी 15:19 - जिरेल19 थेमे दि जुनी लाईदुकामा ङुरूङगी ख्रीष्टला विश्वास खाबाते ईन्गीन स्यिनामेई तिरी छ्याःङ आश मेत्सुङ सासीन ङुरूङनी ज्येन मि भन्दाङ झन बिरोक लाङच्ये खालगी मिकामा ईन। အခန်းကိုကြည့်ပါ။ |
१ कोरिन्थी 15:19
19 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
लोक्ला कोई कोईकी परमेश्वर बातनी ङेन्ग्यो। ईन्सीनोङ साच्या थुङच्याताङ खोन्च्ये पीर, सम्पत्ति लोभ थेमे सुबा दुला दुला सेइन किम्मु खाला देता चालेकी खित्सादु थेबेकी थोबाते परमेश्वर बात दाक टोक ज्येत्ला छ्याःङ काम लै मिक्किओ। चाङगी बुटे नाङ फाप्कीन केबाते छ्याःङ मागोन्दाते सोन साबातेचेन होथोक्ते मिओनला साबाते ईन।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
थेमे दि तिरी स्वर्गनेकी “लो दि बात टि। थानामेकी उसो प्रभु येशूला विश्वास खिन खिनला स्यिकान्ते मिओन भाग्यमानी ईन,” सिन सिरा ङे थोसुङ। थेमे परमेश्वर आत्मेकी “ईन, साँच्चीराङ दोकराङ ईन। था थेबेकी पीरताङ दुक्पे छ्य्वापेई ठाल्ला ढुक्क खाला देता ङेत्क्यो। पीरताङ दुक्पालाङ लेमु काम खिनराङ देतेकी था थेबाला लेमु ओङगो,” सिन सिदुक।
ကြော်ငြာတွေ