थेमे थे बेलालाराङ गाङेकी थोच्या खाईन येशूकी “आबा, खो दि स्वर्गताङ पृथ्वीते मालिक ईन। ङा खुईते जय जय खिओ। च्यिला सासीन स्वर्गे राज्य बात खुई पढे माक्याबाते थेमे काल्बा बात छ्या मेस्येकान्ते मिओनला लेमु खाईन खो च्युत्सुङ। दि बातनी खुई आउदी बुद्धि ओतातेताङ काल्बेई पढे खाबाते छ्ये छ्ये मिलाङ खो च्युता मेतान।
१ कोरिन्थी 14:6 - जिरेल6 थोगी आज्यो न्वावे, ङे ख्योकोन ओत्सादु ओङजीन परमेश्वरगी ङाला तेन्गीन बिन्दाते तिरी ओङच्येते बात कि परमेश्वरगी चुक खाला काम खिते सिन छ्या स्येबाते बात कि परमेश्वरगी सिर च्युताते बात कि ख्योकोनगी चुक चुक खिता फाप्कीते सिरच्येते बात मोलोपा खाईन खालि ङाराङगी छ्या मास्येबाते खुदुक खुदुकते भाषाला बात खासुङ सासीन च्यि ख्योकोनला खइँदा फाइदा ओङगोतरो? ङे थोक्ते भाषाला बात खालानी ख्योकोनला छ्याःङ लेमु मेङगो। အခန်းကိုကြည့်ပါ။ |
१ कोरिन्थी 14:6
32 ပူးပေါင်းရင်းမြစ်များ
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
थोगी ख्योकोनगी चुक खाला ज्येनला ङिङज्ये खिता थुप्कीका सिरच्ये छ्य्वापा विचार खि। थेमे परमेश्वर आत्मेकी तेरच्येते खुदुक खुदुकते सीपताङ शक्ति चुक खाला ङेदोङा सिरच्ये छ्य्वापा सेम लै खि। थोक्ते सीपताङ शक्ति नाङदुङ परमेश्वरगी सिर च्युताते बात खित्च्येते शक्ति ङेतालाचेन ख्योकोनगी आउदी सेम खि।
बात दोक दोक ईन्सीनोङ ङे बातचेन गाङे खोल्ला लेमुराङ खाला छ्या ओत। च्यि सासीन सत्यते बात लोप्जीन ङे च्यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्यि खिता चाला ओताने सिन खोल्ला छ्याराङ ओत। दोस्यिककामा मेन, ङे येशूला चुक खाला विश्वास खिन ओताने, ङा चुक खाला ज्येनताङ स्येदाङ मिक्किता खाला देत्कीन ओताने, ज्येनला चुक खाला ङिङज्ये खिन ओताने थेमे जस्तो दुक्पा ओङसीनोङ ङे चुक खाला खपे खिन ओताने सिन गाङे बात खुई छ्या स्येबाराङ ओत।
परमेश्वर बातला टिबाते बात मिओनगी खोपरोङ बुद्धिकी टिबाते मेन्देकी गाङे परमेश्वरगी मिओनला थे खोरोङ आत्मे छ्य्वापेकी टिक च्युताते ईन। थेमे परमेश्वर बात चुकला काम लै खिते सासीन सत्यते बात च्यि ईन्दे सिन लोपाला, दाक्पोनगी चुक खाबाते गल्ती खाबाते ईन्दाका सिन छ्या स्येला च्याला चुक खिता फाप्च्या ईन्दाका सिन लोपाला थेमे परमेश्वरगी खि साबा साबा च्योकराङ खित्च्येते लोपाला काम लै खिओ।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
ကြော်ငြာတွေ