36 थेमे च्यि परमेश्वर बात ख्योकोन नाङदुईराङ शुरू ओङाते ईन? ना परमेश्वर बात ख्योकोनगीकामा थोबा ओत सिराच्योक लाङगीका?
पावलबा ख्याम्गीन ख्याम्गीन अम्फिपोलिसताङ अपोल्लोनिये लामला खाईन थिस्सलोनिकादु लेप्सुङ। थेरूङ यहूदीओनते मिटिङ खित्च्येते खाम्बाज्यीक ओतान।
पावलला केल डोकान्ते मिओनगी थेला एथेन्स सारनापा क्याल्गीन बिन्सुङ। थेमे थेकी थेबाला “खाँपा लेप्ला च्याला सिलासताङ तिमोथीला थुप थुपला होत्ता देपा स्योक्लो सिन सिसा,” सिन सिदुक। थेरूकी थे मिओनचेन खोपरोङ खाम्बापा ग्युरगीन लिच्युङ।
थेबाला खइँदा बात छ्या स्येबा सेम लासीन खोपरोङ खाम्बाला ख्योबोतेबाताङ ठा फाप्क्यो। येशू ख्रीष्ट मिओन जम्मा ओङसादु फेम्मे मिकी बात खिता लेमु मेन।
सुइँदेकी ङा परमेश्वरगी सिर च्युताते बात खित्कान्ते मि ईन कि परमेश्वर आत्मेकी ङाला थोक खित्च्येते शक्ति बिन्दा ओत खिदुक सासीन थोक्ते मिला ङा दि बात सिओ। च्यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्येबा फाप्क्यो।
ज्येन भन्दा ख्योकोन छ्ये ईन सिन ख्योकोनला सुई सिका? च्यि ख्योकोनताङ ओताते जेसुकै परमेश्वरगी बिन्दाते मेनरो? थोक ईन्सीनोङ ख्योकोन च्यिला सुङगीङ बिन्दाते मेन्देई थाराङ दाक्पोनगी ङेताते च्योक खाला छ्ये खिते?
ख्योकोनगी खित्सादु प्रभु येशू बात थेबे नाङकामा फैले खाबाते मेन, ख्योकोन परमेश्वर छ्य्वापा लै खाईन थेला विश्वास खिताला स्यूबाते बात मिओनगी गाङेपा छ्या स्येला दुक। ख्योकोनगी परमेश्वरला विश्वास खाबाते बात ङ्योकोनगी सुङलाङ सिरा फाप्च्या मिन्दुक।